"The MongolZ" багийнхан Остин мэйжорын амжилтаа ахиулж чадах уу

CS тоглоомын хамгийн том гэгдэх мэйжор тэмцээн Унгарт энэ сарын 24-ний өдөр эхэлсэн. Тус тэмцээн ирэх сарын 14-ний өдөр хүртэл үргэлжилнэ.

Энэхүү тэмцээн нь урьдын адил гурван үе шаттайгаар Swiss системийн форматтай, түүнчлэн хожигдвол хасагдах плей-оффтой.

• 1-р шат /11-р сарын 24-27/ - 16 багаас 8 нь 2-р шат руу;
• 2-р шат /11-р сарын 29-12-р сарын 2/- уригдсан 8 баг + 1-р шатны 8 шилдэг багаас 3-р шат руу 8 нь шалгарна;
• 3-р шат /12-р сарын 4-7/ – уригдсан 8 баг + 2-р шатны 8 шилдэг багаас плей-оффт 8 баг;
• Плей-офф /12-р сарын 11–14/ - 3-р шатны 8 шилдэг баг CS2-ийн дэлхийн аваргын төлөө өрсөлдөнө.

Тэмцээнээс өмнө зохион байгуулагчид түүхэн өөрчлөлтийг хийсэн. Мэйжорын финал анх удаа Best-of-5 хэлбэрээр болно. Ингэснээр эхний хоёр мапын тоглолтод хожигдсон ч эргэн ирэх боломжтой гэсэн үг.

Шагналын сан 1,250,000 ам.доллар бөгөөд түрүүлсэн баг 500,000 ам.доллар авна. Гэхдээ CS2 гарснаас хойш хоёр Мэйжорт түрүүлсэн баг хараахан байхгүй.

• 2024 оны Копенхагены Мэйжор – NAVI
• 2024 оны Шанхайн Мэйжор – Spirit
• 2025 оны Остины Мэйжор – Vitality

Гуравдугаар шатанд дараах багууд шууд урилгаар дараах багууд оролцоно.

FURIA, Vitality, Falcons, The MongolZ, MOUZ, Spirit, G2, paiN.

Тэмцээний нэгдүгээр шатанд 16 баг оролцож байгаа. Үүний нэг нь Монголын "The Huns" баг. Ийнхүү мэйжорын түүхэнд манай улсаас хоёр баг оролцож байгаа нь CS-ын тоглоомын чансаа нэмэгдэж байгааг илтгэж буй.

Б.НОМТ

Энэ мэдээнд өгөх таны үнэлгээ

Хуваалцаарай Жиргээрэй