СУРВАЛЖИЛГА, НИЙТЛЭЛ

Цагаан сар айсуй, "бэлгээ бэлдэж” Эрээн зорихдоо Коронавирусээс сэрэмжлээрэй

Одоогоос хоёр долоо хоногийн өмнө БНХАУ-ын Уухан хотод урьд өмнө анагаах ухааны түүхэнд тохиолдож байгаагүй шинэ төрлийн вирусийн халдвар бүртгэгдсэн. Уушгины хатгалгаатай төстэй шинж тэмдэг үзүүлж байсан тул үүнийг 2002 онд дэлхий даяар 700 гаруй хүний амийг авч одсон SARS вирустэй адилтгаж байлаа. Хамгийн эхэнд 44 хүн халдварласан гэх албаны мэдээлэл түгж байсан бол өнөөдрийн /2020.01.21/ байдлаар уг тоо 222 болж өсжээ.

Дэлхийн Эрүүл Мэндийн Байгууллага тус вирусийн халдварыг анхааралдаа авч, багагүй хугацаанд судалсны эцэст Корановирус гэж нэрлэхээр тогтсон. Хоёрхон долоо хоногийн дотор Хятадын бүс нутгаас гарч, даруй Хонг-Конг, Тайланд, Япон, Өмнөд Солонгос тэргүүтэй оронд шинэ тохиолдол нь бүртгэгдээд буй уг вирус халуун сэдэв болоод байна.

Хамгийн сүүлд, БНХАУ-ын Засгийн газрын томилсон судалгааны баг Корановирусийг хүнээс хүнд халддаг хэмээн зарлалаа. Тус улсад өвчтөнүүдтэй гардан харьцаж байсан эрүүл мэндийн байгууллагын 14 ажилтан өөрсдөө халдвар авсан нь үүний баталгаа болжээ. Түүнчлэн вирусийн талаар олныг цочроосон, дэвэргэсэн зүйлийг сошиал орчинд байршуулсан иргэдэд БНХАУ-ын Засгийн газраас хуулийн хариуцлага хүлээлгэж байна.

Хятадад ийм үйл явдал өрнөж байхын зэрэгцээ биднийг Цагаан сарын баяр даллаж буй. Наймаачид ч гэлтгүй цөөнгүй тооны иргэд урд хөршийг зорин сар шинийн бэлэг сэлтээ бэлтгэж, хямд үнээр “бөөнддөг”. Ингэж Эрээн рүү бэлгэнд яваад ирэхдээ Корановирусийн халдварыг нутагтаа “чирээд” ирэх вий.

БНХАУ энэ сарын 27-29-ний өдрүүдэд Цагаан сарын баяраа хийцгээх тул Монгол-Хятад хоёр орны автозамын хилийн боомтууд эдгээр өдрүүдэд турш хаагдана. Харин Монголчууд шар тооллын дагуу хоёрдугаар сарын сүүлээр “шинэлцгээнэ”. “Гахай” үүрч, Хятадын хилээр нааш цааш хөлхөлдөх Монголчууд маань анхаарал болгоомжтой байж, ЭМЯ-наас гаргасан сэрэмжлүүлгийг мөрдөөсэй.

Х.ЭРХЭС

Энэ мэдээнд өгөх таны үнэлгээ
Like
Love
Haha
Wow
Sad
Angry
Таг

АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

guest
3 Сэтгэгдэл
Хуучин
Шинэ Шилдэг
Inline Feedbacks
View all comments
зочин
зочин
2020-01-22 14:04

бэлэг бэлдэх гэж эрээн яваад яах юм. Бараг өгөөгүй нь дээр. Сайхан хоол идүүлээд 1000.5000 төгрөгөө говь шоколадтай өгсөн дээр.

Бямбасүрэн
Бямбасүрэн
2020-01-22 14:29

Вирус намжт#### хилээ хаачихмаар юм. Цагаан сараар заав#### урдаас бараа авах гэж яадгийн. Монголд бэлгэнд өгөх юм зөндөө л байна ш дээ.

Зочин
Зочин
2020-01-25 14:58

Амьдр####д хэрэг болохгүй эрээний хогоор яадгийн тэрүүнд орвол бэлэн мөнгө нь амьдр####д хэрэгтэй байна

Холбоотой мэдээ

Back to top button
3
0
Would love your thoughts, please comment.x
()
x