Үл хөдлөхөө зарахад төлдөг 2 хувийн татварыг хүчингүй болгох нийтийн өргөдлийг хэлэлцэнэ

Өнөөдөр МАН, АН-ын бүлэг хуралдана. Мөн гурван ажлын хэсэг хуралдаж, хууль зүйн байнгын хороо дээр хэлэлцүүлэг болно.

Хуралдах ажлын хэсэг, хэлэлцэх асуудал:

Төсвийн байнгын хороо

• “Үл хөдлөх хөрөнгө борлуулахад төлдөг 2 хувийн татварыг хүчингүй болгох” асуудлаар гаргасан нийтийн өргөдлийн дагуу хөрөнгө борлуулсан, шилжүүлсний орлогод ногдуулах албан татварын асуудлыг судалж, санал, дүгнэлт боловсруулах үүрэг бүхий ажлын хэсгийн хуралдаан

Аюулгүй байдал, гадаад бодлогын байнгын хороо

• Кибер аюулгүй байдлын тухай хуулийн хэрэгжилттэй танилцаж, санал, дүгнэлт боловсруулах үүрэг бүхий ажлын хэсгийн хуралдаан

Байгаль орчин, хүнс, хөдөө аж ахуйн байнгын хороо

• Малын индексжүүлсэн даатгалын тухай хуульд нэмэлт, өөрчлөлт оруулах тухай хуулийн төсөл болон хамт өргөн мэдүүлсэн хуулийн төслийг хэлэлцүүлэгт бэлтгэх үүрэг бүхий ажлын хэсгийн хуралдаан

Хэлэлцүүлэг

Хууль зүйн байнгын хороо

• Эвлэрүүлэн зуучлалын тухай хуулийн хэрэгжилт, хууль тогтоомжийг боловсронгуй болгох хэрэгцээ шаардлага

О.ОНОН

Энэ мэдээнд өгөх таны үнэлгээ

Хуваалцаарай Жиргээрэй