Дружба хоолойгоор дамжин Унгар, Словак руу газрын тос нийлүүлэхийг Украин дахин эхлүүлсэн байна. Үүний дараа Будапешт Украинтай холбоотой асуудлаар Европын холбоонд тавьсан хоригоо авчээ. Ингэснээр Европын холбоо Украинд 106 тэрбум ам.долларын зээл олгож, Москвагийн эсрэг шинэ хориг тавих боломжтой боллоо.
Унгар хоригоо авсны дараа Европын холбооны ээлжит даргалагч Кипр улс мэдэгдэл хийхдээ зээл болон хоригийг эцсийн байдлаар батлах ажлыг эхлүүлнэ гэжээ. Гишүүн орнууд өнөөдөр эцэслэн баталж гарын үсэг зурах төлөвтэй байна.
Өнгөрсөн жилийн арванхоёрдугаар сард Европын холбоо Украинд 106 тэрбум ам.долларын зээл олгох болсон. Уг зээлийг холбооны гишүүн орнууд хамтран зээл авах байдлаар санхүүжүүлнэ. Унгар, Словак болон Чех зээл авахгүй гэж тохиролцон тус санхүүжилтийг баталсан. Гэвч гуравдугаар сард Дружба газрын тосны хоолойн асуудлын улмаас Унгарын Ерөнхий сайд Виктор Орбан Словакийн Ерөнхий сайд Роберт Фицогийн дэмжлэгтэйгээр тус зээлд хориг тавьсан юм. Орбан энэ сард болсон сонгуулиар сөрөг хүчний Петер Мажарт ялагдсан билээ.
Эх сурвалж: The Guardian
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Европын ард түмний мөнгийг гал руу шидэх нь дээ
ЗӨВ ЗӨВ
Хайран мөнгө
Odoo Hohino gehees oir yu gehev