Нэгүүн.мн сайтын сэтгүүлч Л.Баяржаргал цагдан хорих 461 ангид саатуулагдаад байгаа билээ. Ар гэрийнхний зүгээс түүнийг гадуур шалгуулах хүсэлтийг хүлээн авч шүүхээс гарсан шийдвэрийг өмгөөлөгч Д.Гансүх танилцууллаа.
Тэрбээр "Нэгүүн.мн" сайтын сэтгүүлч Л.Баяржаргалд холбогдох шүүх хурал өнөөдөр (2026.05.22) болж өндөрлөлөө. Шүүх хуралдаанаас сэтгүүлч Л.Баяржаргалыг суллах шийдвэр гаргасан. Өмгөөлөгчийн зүгээс Эрүүгийн хэрэг хянан шийдвэрлэх тухай хуулийн 14.13 дугаар зүйлийн 1 дэх хэсэгт заасны дагуу хүсэлт гаргасан бөгөөд шүүхээс түүнийг цагдан хорих үндэслэл арилсан, мөн эрүүл мэндийн байдлыг нь харгалзан үзэж, авсан таслан сэргийлэх арга хэмжээг ийнхүү өөрчиллөө.
Монгол Улс Үндсэн хуулиараа хүмүүнлэг, энэрэнгүй, ардчилсан нийгмийг цогцлоож, хүний эрхийг дээдлэхээ тунхагласан байдаг. Энэхүү үзэл баримтлал, холбогдох заалтуудын хүрээнд шүүх бүрэлдэхүүн сэтгүүлч Л.Баяржаргалыг суллахаар шийдвэрлэсэнд баяртай байна" гэлээ.
Х.ХУЛАН
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
авилгач хулгайч нарт зөвхөн үйлчилдэг хамгаалдаг ард түмнээ доромжилдог шүүх прокурорууд ичээсэй
Шантааж хийж мөнгө олдог сэтгүүлч нэртэй луйварчид.