Европын холбоо ОХУ-ын царцаасан хөрөнгийг ашиглан Украинд туслахыг Бельги дахин хүчтэй эсэргүүцэв. Украины дайн эхэлсний дараа барууны орнууд ОХУ-ын төв банкны хөрөнгийг царцаасан. Европын холбоо нийтдээ 210 тэрбум еврогийн хөрөнгө царцаасны ихэнх нь Бельгид төвтэй “Euroclear”-ийн дансанд байгаа юм.
Тэгвэл мягмар гарагт /2026.09.01/ Европын холбооны гадаад хэргийн сайд нар албан бус уулзалт хийхдээ ОХУ-ын царцаасан хөрөнгийн талаар ярилцжээ. Уулзалтын үеэр Швед, Нидерланд, Испани болон Польшийн гадаад хэргийн сайд нар хөрөнгийг ашиглахыг дэмжсэн байна. Мөн Балтийн орнууд уг санааг дэмжиж буйгаа илэрхийлжээ.
Харин Бельгийн Гадаад хэргийн сайд Максим Превот хэлэхдээ “Өнгөрсөн жилийн хугацаанд өөрчлөгдөөгүй Бельгийн байр суурийг би давтан илэрхийлсэн. Эсэргүүцэх болсон шалтгаан цаг хугацааны явцад гэнэт өөрчлөгдөөгүй. Царцаасан хөрөнгийг хураан авах процесстой адил байдлаар ашиглах нь маш их эрсдэл дагуулна” гэсэн байна.
Эх сурвалж: Euro News
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.