Өөрсдийгөө яая гэж байж Японыг хямд, найдвартай цэвэр эрчим хүчээр хангана гэнэ үү
Хиймэл оюуны асар хурдтай хэрэглээг дагаад эрчим хүчний хэрэгцээ шаардлага дэлхий даяар өсөн нэмэгдэж буй. Хиймэл оюуны хэвийн үйл ажиллагааг хангах гол “хоол тэжээл” нь цахилгаан эрчим хүч учраас улс орнууд газар доорх нөөцөөс гадна газар дээрх цэвэр эрчим хүчний нөөц хаана хаана байгааг судалж, хэнтэй нь хэрхэн яаж хамтрах вэ гэдэг дээр нүүдлээ бодож төлөвлөх болсон.
Манай улс нар, салхины нөөц ихтэй “сэргээгдэх эрчим хүчний диваажин” гэгддэг бөгөөд энэ тал дээр гол тоглогч болох бүрэн боломжтой ч одоогоор эрчим хүчний хомсдолтой, хоёр хөршөөсөө хамааралтай, аль алиныг нь тахимдаж царайчилсан байдалтай өдий хүрсэн.
Харин энэ өдрүүдэд Монгол Улсын Ерөнхий сайд Япон улсад айлчилж буйтай холбоотой айлчлалын бүрэлдэхүүнд байлцаж яваа сайд нар “Улаанбаатар хотод шатахуунх газрын тосны бүтээгдэхүүн хадгалах агуулахын цогцолбор барихад Япон Улс дэмжлэг үзүүлэхээр боллоо”, “Монгол Улс цэвэр эрчим хүчний асар их нөөцтэй учраас хямд, найдвартай эх үүсвэрээр Япон Улсыг хангах боломжтой” гэх зэргээр мэдэгдлүүдийг ар араас нь хийж эхэлжээ.
Өөрсдийнхөө эрчим хүчний хомсдолыг яая гэж байж хаа байсан арлын Японыг хямд, найдвартай цэвэр эрчим хүчний эх үүсвэрээр хангах тухай Шадар сайд Т.Доржханд ярьж яваа нь “чөмөггүй байж туг ширээ бөхтэй” гэдэг шиг л хэтэрхий үнэмшилгүй поп сонсогдож байна. Эхлээд тэр хямд, найдвартай эх үүсвэрээрээ дотоодын хэрэгцээгээ хангаадахаач!
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.