Баавгай суурьшлын бүсэд орж ирсэн тухай 597 удаагийн дуудлага бүртгэгджээ
Нийслэлийн Баянзүрх дүүргийн 35 дугаар хороо, Улиастайн Бурхантын ам хэмээх газарт амьдардаг малчин айлын гэр рүү өнгөрсөн шөнө (2026.10.08) 01.00 цагийн орчимд баавгай халдсаны улмаас 40 настай эрэгтэй барж, 55 настай эмэгтэй хүн гэмтээд байгаа билээ. Баавгайд бариулсан эмэгтэйн биеийн байдал хүнд ГССҮТ-д өдгөө эмчилгээ хийлгэж байгаа юм.
Энэ хэргийн талаар нийслэлийн Цагдаагийн газраас өнөөдөр мэдээлэл хийлээ. "2026.10.07-ноос 08-нд шилжих шөнийн 01.00 цагийн үед "Баавгай айл руу халдаж хүн нас барсан" гэх дуудлага цагдаагийн байгууллагад ирсэн. Дуудлагаар очиход 55 настай эмэгтэй толгой, нүүрэн тус газраа гэмтэлтэй, 40 настай эрэгтэй нас барсан байдалтай байсан. Эмэгтэй баавгай халдах үед амжиж гэрээс гарч зугтсанаар амь гарсан. Эрэгтэйн цогцсыг баавгай гэрээс хол чирж аваачсан байсан. Бурхантын амны орчимд мал бүхий иргэд, айлууд аж төрдөг учраас дараа дараагийн эрсдэлээс сэргийлэхийн тулд хүн барьсан баавгайг даруй олж, арга хэмжээ авахаар ажиллаж байна" гэлээ.
Он гарсаар баавгай суурьшлын бүсэд орж ирсэн тухай 597 удаагийн дуудлага мэдээлэл бүртгэгдсэн байна.
Г.САНСАР
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.