Эрүүл мэндийн яамнаас ковид-19 шинэ вирусийн тухай ээлжит мэдээллийг хийсэн. Тус мэдээллээр ойрын хугацаанд Монголд илэрсэн сэжигтэй тохиолдлуудын тухай дурдав. Өчигдөр /2020.02.19/ Завхан аймаг, ХӨСҮТ-үүдэд тус тус нэг сэжигтэй тохиолдол бүртгэгдэж тусгаарлагдсан. Хоёул халдварын бүсээс ирсний нэг нь хатгааны улмаас тусгаарласан. Одоогоор биеийн байдал хэвийн, шинжилгээний сорьцыг ХӨСҮТ-д шалгаж байгааг ХӨСҮТ-ийн Тандалт судалгааны албаны дарга А.Амбасэлмаа хэлсэн юм.
"Замын-Үүдэд 103 хүн ажиглалтад, нэг хүнийг тусгаарласан хэвээр байгаа. Гашуунсухайтад 12 хүн тусгаарлагдсан, 15 хүн ажиглалтад байна. Бүгдийнх нь биеийн байдал хэвийн байгаа.
- Завхан аймагт илэрсэн сэжигтэй тохиолдол нь хоёрдугаар сарын 6-нд Гашуунсухайт боомтоор БНХАУ руу гарч, 12-нд эргэж ирсэн. 13-ндаа Завхан аймагт очсон бөгөөд өчигдөр аймгаас мэдээлснээр халуурсан, хатгаатай байгаа тул тусгаарлан шинжилгээний сорьцыг ХӨСҮТ рүү ирүүлж байгаа. Автобусанд хамт зорчиж явсан 30 гаруй хүнийг ажиглалтад авч, биеэ хянах талаар зөвлөмж өгсөн.
- ХӨСҮТ-д өчигдөр нэг тохиолдол тусгаарлагдаад байна. Тяньжинд сурдаг оюутан бөгөөд хоёрдугаар сарын 13-нд Бээжин-Улаанбаатарын онгоцоор ирж, 19-нд эмнэл зүйн шинж тэмдгүүд илэрсэн тул ХӨСҮТ-д хандсан” гэлээ.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Бусдыг бодох сэтгэлтэй байгаасай.монгол улс маань цөөхүүлээ.ганцхан өөрийн эрх ашгийг урьт�##� болгохоосоо илүү бусдын эрх ашгийг бодоосой