Хөгжлийн бэрхшээлтэй есөн настай хүү үхэхийг хүсжээ

Европын өндөр хөгжилтэй орнуудад хөгжлийн бэрхшээлтэй болон өнгөт арьст хүмүүсийн эрх ашиг ихээр хөндөгдөж байгааг олон үйл явдал гэрчилнэ. Түүний нэгэн жишээ болсон Австралийн Брисбен хотод амьдардаг есөн настай хүүгийн түүхийг бид та бүхэндээ хуваалцаж байна. Хүүг Кваден гэдэг бөгөөд одой буюу Ахондроплази өвчтэй байна. Балчир байхаасаа найз нөхдөдөө шоглуулж дээрэлхүүлсээр амьдрах хүсэл нь төдий хэмжээгээр буурсныг түүний амиа хорлох оролдлогуудаас нь харж болно. Хамгийн анх зургаан насандаа өвөөгийнхөө үхлийг харсны дараа амиа хорлохыг завдаж байжээ.

Хүүгийнхээ сэтгэл гутрал, амиа хорлох үйлдэлд нь эмзэглэх болсон Яарака Бэйлэс утсан дээрээ бичиж авсан хүүгийнхээ видео бичлэгийг цахим ертөнцөд дэлгэснээр хүмүүсийн анхаарлыг татаад буй.

Яарака Бэйлэс бичлэгээр дамжуулан хүмүүст:

Манай улс хэзээнээс хөгжлийн бэрхшээлтэй иргэдээ ойлгож, ялгаварлахгүйгээр тэдний сэтгэл санаанд дэмжлэг үзүүлж ажиллах юм бэ? Сургуулийн удирдлагууд ч гэсэн онцгой хүүхдүүдийн тухай мэдээллийг сурагчдад үнэн зөвөөр өгч байх, тэдний хоорондын харилцааг анхаарч баймаар байна. Эцэг эхчүүд ч гэсэн энэ төрлийн боловсролыг хүүхдүүддээ олгож эрх тэгшийн ойлголтыг өгөх хэрэгтэй, хэмээн хэлжээ.

Тус бичлэг цацагдсаны дараа олон хүмүүс бүсгүйн уриалгыг дэмжиж, хөгжлийн бэрхшээлтэй иргэдийг ялгаварлахгүйгээр хүн гэдэг үүднээс нь харьцах хэрэгтэй хэмээн тэмцэж эхэлжээ.

ЭХ СУРВАЛЖ: https://www.dailymail.co.uk/

Энэ мэдээнд өгөх таны үнэлгээ

Хуваалцаарай Жиргээрэй