“Яг түүн шиг” шоу эхэлснээс хойш нийтдээ есөн дугаар үзэгчдийн хүртээл болсон билээ. Дуучин Б.Халиунтай хамтран “If I Never See Your Face Again” хослол дуугаар өрсөлдөхөд ялагчаар тодорч байсан жүжигчин Т.Бархүү өчигдөр /2019.07.01/ болсон хагас финалд шилдгээр шалгарч оноогоороо бусдаасаа “хол тасарсан” юм. Ийнхүү 2019 оны “Яг түүн шиг шоу”-ны тайзнаа хагас финалд үзэгчдээс 17 мянган хүний санал авч нийт 69 оноогоор тэргүүн байранд шалгарч 10 сая төгрөг, бүх улирлын нийт оноогоороо тэргүүлэн 8 сая төгрөгөөр тус тус шагнагджээ.
Өчигдрийн дугаарт оролцогчид өөрсдөө уран бүтээлчээ сонгож, дуэт дуулах даалгавар авсан юм. Тэр ёсоор өчигдөр хоёр Амархүү, хоёр Ганхүү, хоёр Жаргалсайхан, хоёр Оюунтуул гээд олон ч зүйлээрээ үзэгчдэд сонин содон байлаа.
Тодруулбал,
-Б.Халиун: Ука Luuya, Lil Thug E нарын “Хайртай гэж хэлээч”
-Б.Амархүү: Ардын жүжигчин А.Долгор, МУГЖ, Чингис хаан одонт Г.Ариунбаатар нарын “Монголын тал нутаг”
-Б.Маралжингоо- Том Жагаа, дуучин С.Наран “Хамтдаа дуулъя”
-Т.Бархүү: Б.Амархүү ба “Гурван охин” хамтлагийн “Зүрх минь чам руу”
-Б.Нацагдорж: дуучин Г.Ганхүү, Гитарчин Өөжгий нарын “Сайхнаа чи минь”
-С.Сарнай: Big Gee & Vandebo /Зогсохгүй/
-А.Баярцэнгэл: Төрийн соёрхолт Д.Болд, “Шуранхай хамтлаг” “Хээрийн салхитай аялгуу”
-Г.Сүндэрмаа: МУГЖ Т.Ариунаа& Т.Дэлгэрмөрөн “Шөнө дундын бүжиг” жүжгийн дууг тус тус дуулж, үзэгчдэд хүргэв.
Улирлын туршид цуглуулсан оноогоороо А.Баярцэнгэл болон Г.Сүндэрмаа нар дэд байр эзэлж тус тус 5 сая төгрөгөөр шагнагджээ. Тэд өмнө хамтарч “Rain over me” гэх дууг дуулж байсан юм. Яг түүн шиг 2019 хагас финалын тоглолтыг бүрэн эхээр нь хүргэж байна.
С.ХОНГОРЗУЛ
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.