Өнөөдөр /2020.07.24/ ЭМЯ-наас шинэ төрлийн коронавируст халдварын талаарх цаг үеийн ээлжит мэдээллээ өглөө.
Энэ үеэр ЭМЯ-ны Шинжлэх ухаан, технологийн зөвлөлийн нарийн бичгийн дарга Э.Оюунсүрэн:
"Дэлхийн эрүүл мэндийн 48168 судалгаа шинжилгээ хийгдсэн ба 2405 хүнд эмнэлзүйн туршилт судалгаа хийсний 228 нь амжилттай боллоо. Италийн судлаачид Д витамин нэмэлтээр хэрэглэх нь ач тустай, 213 өвчтөнд судалгаа хийснээс Д витамины түвшин бага байх нь Ковид-19 хүндрэх эрсдэл бий болгож буйг баталжээ. Иймд Витамин Д-г зохист тунгаар хэрэглэх зөвлөгөө өгсөн байна” гэлээ.
Дараа нь ХӨСҮТ-ийн захирал Д.Нямхүү: “Өчигдөр буюу долдугаар сарын 23-нд нийт 709 хүнд шинжилгээ хийсэн ба нэг хүнээс вирус илэрлээ. Алтанбулагийн боомтоор орж ирсэн ачаа тээврийн жолооч, 39 настай эрэгтэй казахстан иргэн. ХӨСҮТ-ээс гурван хүн эдгэрч дараагийн шат руу шилжиж байна. 17-48 хоногт эдгэрсэн. Өнөөдрийг хүртэл нийт 288 тохиолдол бүртгэгдсэн ба 217 хүн эдгэрсэн. Одоогийн байдлаар 71 хүн эмчилгээ, тандалт хяналтын дор байна” гэсэн юм.
С.АНУЖИН
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.