Ерөнхий сайд Л.Оюун-Эрдэнийн хэлсэн ОНЦЛОХ ЭШЛЭЛҮҮД

Монгол Улсын 32 дахь Ерөнхий сайд Л.Оюун-Эрдэнийн тэргүүлсэн Засгийн газар байгуулагдаад 100 дахь хоног нь болж байна. Ажлаа авсан цагаасаа сэтгүүлчдэд нээлттэй байхаар зарласан. Тиймээс яг одоо 37 сэтгүүлчтэй нээлттэй ярилцаж байна. Энэ үеэр Ерөнхий сайд Л.Оюун-Эрдэнийн ярьсан зарим онцлох эшлэлүүдийг хүргэж байна.

НЭГ

Жингийн илүүдэлгүй монгол болъё. Би өөрөө ч үүн дээр анхаарах ёстой хүн.

ХОЁР

Сонгууль болдог. Сонгуулиар баахан хандив барьсан хүмүүс ирдэг. Дараа нь барьцаалдаг ийм 30 жилийг цэглэе.

ГУРАВ

Цэргийн амь нас эрстэж байгаа нь маш хүнд зүйл мөн. Гэхдээ нэг цэрэгт эрсдэл үүсэх бүрд Батлан хамгаалахын сайд огцорч болохгүй. Дэлхийн аль ч улсад ийм зүйл байхгүй.

ДӨРӨВ

Ерөнхий сайд гэдэг чинь ёолкны тоглоом шиг юм. Ажиллахад 24 цаг багаддаг юм байна.

ТАВ

Ц.Анандбазар үнэхээр гэм буруугүй бол УИХ-ын гишүүнээс түдгэлзээд шалгуулаад, буцаад ороод ирэх хэрэгтэй.

ЗУРГАА

Х.Баттулга, Ц.Элбэгдорж нар буцаж улс төрд орохын тулд АН-ыг ашиглаж байна.

ДОЛОО

Олимп дөхөж байгаа. Тиймдээ ч Н.Түвшинбаяр аваргыг зөвлөхөөрөө авсан. Мэдээж тэр хүнд алдаа оноотой зүйл байгаа. Гэхдээ Н.Түвшинбаяр гэдэг хүн олимпоос анхны алтан медаль авч, долдугаар сарын 1-ний аймшигт үйл явдлын дараа монголчуудыг эргэн нэгтгэсэн. Тиймээс бүх зүйлийг ялгаж, салгаж ойлгох хэрэгтэй.

НАЙМ

Цар тахлын нөлөө арилахгүй бол байр, цахилгаан, хүүхдийн мөнгийг он дуустал олгоно.

ЕС

С.Одонтуяа гишүүн гаалийн байцаагчийг дарамталж, вакцин татан авалтад нөлөөлсөн.  Энэ асуудлыг би шалгуулна.

АРАВ

Ерөнхий сайд өөрөө ажил хийдэг хүн биш юм байна. Сайд нараа шахаж, ажил хийлгүүлж, үүрэг даалгавар өгч, хариуцлагыг нь тооцдог хүн юм билээ.

Энэ мэдээнд өгөх таны үнэлгээ

Хуваалцаарай Жиргээрэй