Канадын Юконы нутаг дэвсгэр дээрх Дээд шүүх “Рио Тинто" группт “Туркоиз Хилл Ресурсес”-ийн нэгж хувьцааг 43 канад доллароор авах саналд нь урьдчилсан захиалгын зөвшөөрөл олгоод байна.
Өөрөөр хэлбэл Дээд шүүх санхүүгийн эрх зүйг орчинг нь бүрдүүлжээ. Харин одоо "Туркоиз Хилл Ресурсес"-ийн хувьцаа эзэмшигчид ээлжит бусаар хуралдаж, санал хураалт явуулах үлдэж байна. "Рио Тинто"-гийн саналыг хүлээж авах эсэх нь эл санал хураалтаар шийдэгдэх бөгөөд тов арваннэгдүгээр сарын 1-нд тогтжээ.
Хэдийгээр "Туркоиз Хилл Ресурсес"-ийн зарим жижиг хувьцаа эзэмшигчид "Рио Тинто"-гийн саналыг бага үнэлгээтэй гэж үзэн татгалзах хүсэлтэй байгаа ч Дээд шүүхийн шийдвэр, мөн тус компанийн Тусгай хорооны шийдвэр зэрэг нь хэлцэл хийгдэх өндөр магагдлалтай буйг харуулж байна.
"Рио Тинто" групп нь одоогоор "Туркоиз Хилл Ресурсес"-ийн 51 орчим хувийг эзэмшдэг. Харин үлдсэн 49 хувийг нь 3.3 тэрбум ам.доллараар худалдан авах санал тавьсан. Хэрэв худалдан авч чадвал "Туркоиз Хилл Ресурсес" 100 хувь "Рио Тинто"-гийнх болно. Ингэвэл Оюу толгойн төсөлд зөвхөн Монголын Засгийн газар, "Рио Тинто" групп гэсэн хоёр оролцогч тал үлдэх юм.
Г.САНСАРМАА
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Рио Тинто групп дангаар эзэмшин, Монголын засгийн газар 34 хувийг нь хариуцах хувилбар үлдвэл манайд ашигтай байж магадгүй! Гэхдээ Рио Тинто өмнөх шигээ “Шогтоод”байхгүй бол шүү дээ! Оюу толгойн гадаад захирал эмэгтэй хүн болсон байна билээ. Монголын засгийн газартай үг хэлээ ололцоод байж чадах болов уу?