Засгийн газар 2023-2025 оныг Монголд зочлох жил болгон зарласан. Тиймээс улсаа сурталчлах чиглэлд хөрөнгө мөнгө зарцуулахаас эхлээд өмнөх жилүүдтэй харьцуулахааргүй их хэмжээгээр анхаарлаа хандуулж байна.
Энэ талаар Гадаад харилцааны сайд Б.Батцэцэг хэлэхдээ "Гадаад сурталчилгаанд зориулсан төсөв өмнөх жилүүдэд байгаагүй. Харин 2022 онд 900 сая төгрөг төсөвлөсөн. Энэ төсөвтөө тохируулаад хилийн чинадад олон арга хэмжээ зохион байгуулсан. Элчин сайдын яамд, хилийн чинадад байгаа төрийн бус байгууллагуудтайгаа хамтаар иргэдийн саналыг үндэслэн зохион байгуулсан. 900 сая төгрөг гэдэг бол 40 гаруй дипломат төлөөлөгчийн газруудаар дамжуулан арга хэмжээ зохион байгуулахад хүрэлцээгүй.
Энэ жилийн хувьд гурван тэрбум төгрөг зарцуулахаар төсөвт тусгасан. Олон хүнийг хамарсан, илүү өгөөжтэй байх чиглэлд төсөв зарцуулахаар ажиллаж байна" гэлээ.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.