Тойм: Англи хэлээр маргаж, малчдын НДШ-ээр эсрэгцэж, генсек Д.Эрдэнэбилэгийг “хатгав”

Өнгөрөгч долоо хоногт улстөрийн тогоонд өрнөсөн үйл явдлыг тоймлон хүргэж байна.

Англи хэлний маргаан тасралгүй, ирэх долоо хоног руу шидэгдэв

Хамгийн том үйл явдал нь англи хэлийг хуульчлах, эс хуульчлах асуудал маргаан дагуулав.

Маргаан нь:

Болвсролын багц хуулийн төслийн хүрээнд өргөн барьсан Сургуулийн өмнөх болон Ерөнхий боловсролын тухай хуулийн төсөлд "Ерөнхий боловсролын сургуульд судлах үндсэн гадаад хэл нь англи хэл байна" гэж заасан заалтаас эхлэлтэй.

Маргаан БШУБХ-ны хуралдаанаас эхэлсэн. Боловсролын байнгын хороон дээр, уг заалтыг болиулъя, "...үндсэн гадаад хэл нь англи хэл" биш, "...үндсэн гадаад хэл нь үндэсний хөтөлбөрт туссан хэл" болгоё гэдэг саналыг Ж.Чинбүрэн гишүүн гаргаж, саналын томъёоллоор санал хураахад, тэр нь дэмжигдсэн билээ.

БШУБХ ийн дэмжээгүй шалтгаан нь ҮАБЗ гэх. Ерөнхийлөгч У.Хүрэлсүхийн дэргэдэх Хэлний бодлогын үндэсний зөвлөлөөс ҮАБЗ, БШУЯ, УИХ-ын Боловсрол, соёл, шинжлэх ухаан, спортын байнгын хороонд Боловсролын багц хуулийн төсөлд багтсан "англи хэлийг бага ангиас заах" заалт нь эх хэлний дархлаанд сөргөөр нөлөөлнө гэх агуулгаар бичиг хүргүүлсэн.

Улмаар БШУ-ы сайд Л.Энх-Амгалан УИХ-ын чуулганы хуралдааны үеэр "Уг нь ажлын хэсгийн ахлагчтай бодол санаа нэг гэж бодож байсан. Гэтэл хөтөлбөрөөр шийдье гэсэн асуудлыг дагалдах хуульд заалт болгоод оруулаад ирсэн. Үүнээс л боллоо. Ард түмнийг тайван байлгаач" гэж хэлсэн нь зөрчил үүссэнийг илтгэсэн юм.

Нэг ёсондоо ажлын хэсгийх ахлагч Г.Дамдиннямыг хувийн цөмөрсөн тоглолт хийгээд байна гэж чичилж буй.

Энэ заалтыг нэг хэсэг нь "Англи хэлийг сургах заалт" гэж, нөгөө хэсэг нь "Хуульчлахгүйгээр хөтөлбөртөө тусгасан нь дээр. Алив гадаад хэлийг хуульчлах нь хар хайрцагны бодлого" хэмээн үзэж байгаа юм.

Одоо хэн хэнийхээ эрх ашгийг дуудалцаж, хоёр тал болсон гишүүдээ МАН бүлэг дээрээ нэгтгэнэ. Ингээд гурав хоног завсарлага авсан тул ирэх долоо хоногт дахин хэлэлцэх юм.

Шинэ маргааны эхлэл малчдын НДШ-ийн 50 хувийг төр төлнө, төлөхгүй

Хоёр дахь маргаантай хууль нь "Нийгмийн даатгалын ерөнхий хуулийн шинэчилсэн найруулгын төсөл“

Эл хуулийн төслийн 21.23-т: Малчин, туслах малчин энэ хуулийн 7.7-д заасны дагуу даатгуулах бол тухайн үед мөрдөж байгаа сарын хөдөлмөрийн хөлсний доод хэмжээнд ногдох тэтгэврийн даатгалын шимтгэлийн 50 хувийг улсын төсвөөс сар бүр төлнө. Улсын төсвөөс хариуцан төлөх хугацаа 5 жилээс ихгүй байна” гэх заалт оруулсан.

П.Анужин тэргүүтэй ажлын хэсгийн гишүүд сонгууль ойртсон энэ үед малчдыг дэмжих дэмжлэг нэрийдлээр ийм заалт оруулж ирж байгаа. Малчдын нийгмийн даатгалын шимтгэлийн 50%-ийг нийгмийн дундаж давхаргын иргэд төлөх болчхоод байна. Тогтмол ажил эрхэлдэг, тогтмол орлоготой, хамгийн их татвар төлдөг хэсэг дундаж давхаргынхан үүрэх нь буруу гэдэг шүүмжлэл хөвөрсөн юм.

Д.Амарбаясгалан сахал” Д.Эрдэнэбилэгийг хэвлэлээр хатгав

Өнгөрөгч долоо хоногт ЗГХЭГ-ын дарга бөгөөд МАН-ын генсек Д.Амарбаясгалан ТӨБЗГ-ын дарга Б.Цэнгэл болоод “Дарханы төмөрлөгийн үйлдвэр", “Хөтөл цемент шохойн” үйлдвэрүүдийн удирдлагуудыг Төрийн ордонд хүлээж авч уулзав.

Эдгжэр байгууллагуудын өр шир, нөхцөл байдлыг сонсож байгаа гэх агуулгаар уулзалтын сэдэвээ тодорхойлж, “сахал” Д.Эрдэнэбилэгийг улсад 1 их наяд биш, 2.8 их наядын хохирол учруулсан” хэмээн ярьсан юм.

Гэхдээ Засгийн газар долоон жил Д.Эрдэнэбилэгээр попорсон ч шүүх нь эцэслэн дэнсэлж чадаагүй хэвээр байна. Сэдэв хуучирч, эл дол болчхоод байхад ч гарч ирж ярьсаар. Гэвч бас өөрсдийнхөө эл үйлдвэрүүд дээрх засаглалаа учиргүй нуув.

Тодруулбал, “Хөтөлийн цемент", "Дарханы төмөрлөгийн үйлдвэр"-ийг өнөөх алдартай луйварчин гэх Д.Эрдэнэбилэгээс авсныхаа дараа МАН цүнх барьсан, бүтэхгүй түүхтэй хүмүүсээ захирлаар илгээсээр удсан билээ. Эл үйлдвэрүүд дээр Сангийн сайд, тойргийн гишүүдийн нөлөө үлэмж ихсэв. Санхүүгийн аудитын тайланг нь ҮАГ нуугаад огт ил гаргаагүй.

"Төр өмчөө авсан" гээд байгаа боловч өмчийг захиран зарцуулагч нь үнэндээ МАН-ынхан л байсан билээ. 

Өөрийн сэтгэгдлээ илэрхийл

Share Tweet