Кэйс 1. "Эрдэнэт үйлдвэр"
"Эрдэнэт үйлдвэр"-ийн 350 ажилтан ажил хаяхаа мэдэгдэхдээ "Аав ээж нь тэтгэвэрт гарсан тохиолдолд гэр бүлээс нь нэг хүн авах" гэсэн үндсэн шаардлагуудыг захиргаатайгаа заавал хэлэлцэнэ гэж тулгажээ. Тэднийх энэ байдлыг халахаар хүний нөөцийн шинэ бодлого хэрэгжүүлэх гэтэл ийм олон ажилтныг хамарсан ажил хаялт зарлах асуудал дэгдэв.
Кэйс 2. "Нисэхийн хонхорынхон"
Агаарын тээвэр, иргэний нисэх чиглэлд ажиллагсад "Нисэхийн хонхорынхон" гэж өөрсдийгөө тодотгодог. Энэ нь өнөөх нь төрийн ажлыг үе дамжуулан хийдэг байдлаа тодотгож хэлсэн хэлбэр юм. "Нисэхийн хонхор"-ынхон дунд ах дүүс, аймгуудын бүхэл бүтэн фракц, баг үүссэн. Шинээр орогсод нь мөнхүү уг удмаасаа сэлбэгдэн явдаг хэлбэр тогтоод асар удав.
Кэйс 3. Монголын дипломат алба
Дипломат албанд ерөөсөө "ардын хүүхэд" ажиллаваас байнгын зэрэг зиндаархал, чамирхал, боловсролын зөрүүтэй байдлын жишилтэд ордог. Дипломат алба үүссэн цагаасаа эхэлж, энэ албыг яг дээгүүр хүрээндээ эзэмшиж, шинээр ажилтан авахдаа улс төрчдийн оролцоотой томилгоо хийгдсээр ирэв. Цаашлаад улс төрийн гомдогсдоо гадагш нь явуулж тал засах зэргээр явсаар зөвхөн томчуудын үр хүүхэд, амраг садан, бүл угшлууд нь явдаг хэлбэр нэгэнт тогтов.
Тухайлсан хүний нөөцийн бодлогоор явах ёстой ажлууд ингэж ийм байдлаар утга, зарчмаа алдаж, төрийн тодорхой нэгжүүд ерөөсөө хаант угсаа лугаа өв дамжигддаг хэлбэрээ 21-р зуунд ч хадгалсаар байна. Энэ бол дэлхийгээс эсрэг чиглэлд урсаж буй монголчуудын "жалгын" гэж хэлж болох ёс суртахуунуудын нэг юм. Үүгээрээ төрийн тогтолцоогоо биежүүлэн өрөх болсоор ч уджээ.
Зүй нь, мэргэжлийн чадвартай боловсон хүчнүүд эх орондоо боломжийн цалинтай ажиллах, тэдний хүч чансааг улс нь ашиглах голдирол нь зөв. Ийм залуус өнөөдөр боломжоо булаалгаж, хувь хүнийхээ хувьд итгэл алдарсаар явахад эсрэг талд аав нь нисэхэд ажилладаг бол хүү нь тэнд автоматаар орж байдаг нахаль хэлбэр ужгиран тогтсоор ирэв.
"Эрдэнэт үйлдвэр" жишээ нь, тэнд насаараа ажилласан иргэн Доржийн хүүхдийг ямар чадвартайгаас нь үл хамаарч, үйлдвэртээ заавал шингээх өртэй болдог хүний нөөцийн бодлоготой. Үүнийг эвдье гэхээр гарч ирээд жагсдаг, зарчмын бус элдвийн агуулгаараа хэвлэлүүдийг татан оролцуулдаг зэрэг байдал аль ч салбар дээр явсаар байна.
Том дарга нар нь ч тэр, асуудлыг уг учир, шалтгаант байдал зохицсон шийдвэр гаргахаасаа илүүтэйгээр медиа дээр нэг хүн орилохоор түүнд тохируулж, бууж өгсөөр ер нь эсэргүүцэл илэрхийлсэн хэсэг бүр ялдаг байдал бий болов. Саяхан л харин хотын дарга Д.Сумъяабазар "Шалтгаанд суурилсан бодлого" гэж шинэ нэршлээр ажлаа ярьсан нь ийм нэг хуйларсан байдлын эсрэг үг болов уу гэж харагдсан билээ.
Г.ИТГЭЛ
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Нисэхийн хонхор гэж нээрээ ярьдаг шүү
Төмөр зам байна муусайн хулгайчид үе з�##�гамжилна гэх шиг өөр сайхан з�##�уучуудын боломжыг хаадаг байх нь
Нээрээ төмөр замын вант улс гэж нэг айхтар удам дамжсан төмөр замчид бий шүү.
Эрүүл мэнд, хууль, шүүх, цагдаа, батлан хамга�##�ах, хилийн цэрэг, онцгой байд�##� гээд удам з�##�гасан нэртэй ардын болон гавьяат эмч, генер�##�, хурандаа нарын хүүхдүүд шууд аав ээжийнхээ ар татаасаар ямар ч хян�##�тгүй дээшээ дэвшдэг доод шатны ажил хийх хүсэлгүй, явцын дунд �##�бан туша�##�аа ашиглаж боловсролоо дээшлүүлсэн болж гадаадад сурах нэрээр төсвийн мөнгөөр тансаглах байд�##� жирийн үзэгдэл мэт болоод удаж байна ш дээ.
хаа сайгүй, Эрдэнэт үйлдвэрт гэр бүлээрээ ажиллана, УБТЗ ба нисэхэд гэр бүлээрээ ажиллана. 3-4 үеэрээ ажиллаж буй олон гэр бүл байна. Гадаад харилцааны Яам бас адил. 3-4 үеэрээ ажиллана. Манай хамаатан ГХЯ-нд хүүхдээ ажилд оруулах гээд бараагүй, гэтэл яг ижил сургууль төгссөн тааруухан дүнтэй нэгнийг /зээ охин нь/ саяхан ажилд авсан байна лээ. эмээ, өвөө , нагац эгч ах нь нь ажилладаг тул.