Монголын анхны “Биоблиц” өдөрлөгийг Хустайн байгалийн цогцолборт газарт зохион байгуулагдлаа.
“Биоблиц” өдөрлөг нь тодорхой газар нутагт, тодорхой хугацаанд аль болох олон зүйлийн амьд биетийг бүртгэх зорилготой, иргэдийн оролцоотой шинжлэх ухааны арга хэмжээ юм. Оролцогчид нийтдээ мянга 200 гаруй ажиглалтыг “Байгаль” апплекэйшн дээр байршуулсан бөгөөд биологийн олон янз байдлын мэргэжилтнүүд ажигласан төрөл зүйлүүдийг тодорхойлон баталгаажуулах ажлыг хийжээ.
Энэхүү санаачилгыг МУИС-ийн Экологийн ангийн гуравдугаар курсын оюутан Д.Цогт гаргасан бөгөөд нийт 44 оролцогч Хустайн байгалийн цогцолборт газарт хоёр өдрийн турш амьтан ургамлыг ажиглаж, баримтжуулсан байна.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.