АНУ-ын Ерөнхийлөгч Доналд Трамп даваа гарагт /2025.11.24/ БНХАУ-ын Ерөнхийлөгч Ши Жиньпинтэй утсаар ярьсан байна. Трамп түүнтэй утсаар ярьсныхаа дараа АНУ, БНХАУ-ын харилцаа маш хүчтэй гэж хэлжээ. Тэднийг утсаар ярина гэдгийг хоёр улсын аль аль нь урьдчилж мэдэгдээгүй байсан юм.
Тайванийг БНХАУ-д буцааж нэгтгэх нь Бээжингийн алсын харааны гол хэсэг гэж Ши Жиньпин Трампт хэлжээ. БНХАУ Япон хоёрын хооронд олон жил үзэгдээгүй хямрал үүсээд байгаа. Япон бол НАТО-гийн гишүүн бус АНУ-ын томоохон холбоотон улс билээ. Энэ сар Японы Ерөнхий сайд Такаичи Санаэ БНХАУ Тайвань руу довтолсон тохиолдолд цэргийн арга хэмжээ авахад хүрч болзошгүй гэж хэлсэн. Энэ нь БНХАУ-ын дургүйцлийг хүргэсэн юм.
“Xinhua” агентлаг мэдээлснээр Ши Жиньпин “БНХАУ болон АНУ фашизм, милитаризмын эсрэг мөр зэрэгцэн тулалдаж байсан. Дэлхийн II дайны үр дүнг хамгаалахын тулд хамтран ажиллах ёстой. Тайванийг БНХАУ-д эргэн нэгтгэх нь дайны дараах олон улсын дэг журмын салшгүй нэг хэсэг” гэж хэлжээ.
Эх сурвалж: Reuters
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Тайваны хятадууд коммунист хятадын дор эрх чөлөөгүй болохыг хүсэхгүй бгаа шд.