Варшав хот дахь АНУ-ын Элчин айд Том Рөүз Польшийн парламентын спикер Влодзимеж Царчастиг Ерөнхийлөгч Доналд Трампыг доромжилсон хэмээн харилцаа холбоогоо тасалжээ. АНУ-ын Төлөөлөгчдийн танхимын спикер Майк Жонсон, Израилын парламентын дарга Амир Охана нар улс орнуудын парламентын дарга нарыг Трампыг 2026 оны Нобелийн энх тайвны шагналд нэр дэвшүүлэхийг уриалж ажиллаж байгаа юм.
Царчасти даваа гарагт /2026.02.02/ хэлэхдээ энэ хөдөлгөөнийг дэмжихгүй гэжээ. Тэрбээр “Миний бодлоор Ерөнхийлөгч Трамп наймаалцан юм салгадаг бодлогоо явуулахын тулд хүч хэрэглэж, олон улсын байгууллагуудыг тогтворгүй нөхцөл байдал руу түлхэж байна. Энэ бүх шалтгааны улмаас би Ерөнхийлөгч Трампыг Нобелийн шагналд нэр дэвшүүлэхгүй. Учир нь тэр шагнал хүртэх ёсгүй” хэмээсэн юм.
Үүний дараа Элчин сайд Рөүз “Царчастигийн Ерөнхийлөгч Трампын эсрэг чиглэсэн жигшүүртэй, үндэслэлгүй доромжлол нь Ерөнхий сайд Доналд Таск болон түүний засгийн газартай үүсгэсэн сайхан харилцаанд сөргөөр нөлөөлж байна. АНУ-Польшийн харилцаанд хор хөнөөл учруулах эсвэл Ерөнхийлөгч Трампыг үл хүндэтгэхийг хэзээ ч хүлээн зөвшөөрөхгүй” гэж мэдэгдсэн байна.
Эх сурвалж: Reuters
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
ДОНАЛЬД ТАСК ГЭЖ БАС ХЭН ГАРААД ИРЭВЭЭ
Туск
Бас нэг долоогч байхгүй юу.
Трамп дэлхийн хамгийн хүчирхэг орны удирдагч гэхэд тогтвор муутай ,асуудалд эзэрхэг байдлаар ханддаг орон гаран амьтан.Надаас холбоо таслана гэхгүй юм даа.Польш дарга үнэн хэлсэн байна.