Нийслэлийн Онцгой байдлын газрын гамшгаас хамгаалах алба болон тусгай мэргэжлийн ангиудад 622 ажилтан үүрэг гүйцэтгэж байна. Есөн дүүргийн хэмжээнд мэргэжлийн 93 анги, сайн дурын 32 хэсэг бэлэн байдалд ажиллаж байна.
Нийслэлийн Онцгой байдлын газрын дарга Г.Галбадрах “Үерийн эрсдэлээс урьдчилан сэргийлэх хүрээнд 6-р сарын 10-наас 9-р сарын 15-ны хооронд Туул гол дагуу завьт эргүүл ажиллуулна. Мөн өнөөдрөөс эхлэн, 9-р сарын 15 хүртэл “Усыг бүү бас” нөлөөллийн аян өрнүүлнэ. Нийслэлийн Онцгой байдлын газар, Геодез, усны барилга байгууламжийн газар хамтран үерийн далан, сувгийг зургаан сарын эхнээс шалгаж, эвдэрсэн хэсгийг нь засаж байна. Уг ажлыг долдугаар сарын 1-нийг хүртэл зохион байгуулна.
Х.ХУЛАН
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.