Лхагва гарагт /2026.09.31/ “flydubai” компанийн Дубай-Тэл Авив чиглэлтэй FZ1073 нислэгийн туслах нисгэгч онгоцыг хүчээр удирдлагадаа авах гэж оролдсоныг зорчигчид болон багийнхан таслан зогсоосон байна.Нислэгийн дундуур туслах нисгэгч ахлах нисгэгчийг хутгалж, ноцолдсоны улмаас онгоц 30 секундийн дотор 4,267 метр огцом унажээ. Үүний дараа зорчигчид болон нислэгийн багийнхан бүхээгт нэвтрэн орж, туслах нисгэгчийг дийлэн хөдөлгөөнгүй болгосон байна. Ингэснээр онгоц дээр байсан “flydubai”-ийн хоёр өөр нисгэгчид нислэгийг үргэлжлүүлж, Тэл Авивт газарджээ.
Израилын Ерөнхий сайд Биньямин Нетаньяху уг хэргийн талаар мэдэгдэл хийхдээ, туслах нисгэгч “flydubai”-ийн онгоцыг осолдуулах зорилготой байсан байж магадгүй гэсэн юм. Харин Израилын албан тушаалтнууд мэдэгдэхдээ, уг хэргийг израилчуудын эсрэг террорист халдлага үйлдэх гэж оролдсон явдал байсан эсэхийг шалгаж эхэлсэн гэжээ. “flydubai” компани хэргийн талаар мэдэгдэл хийхдээ туслах нисгэгчдийн сэдэл, зорилго тодорхойгүй байгаа тул урьдчилсан таамаглал дэвшүүлэхгүй байхыг анхааруулсан байна.
Израилын хэвлэл мэдээллийн хэрэгслүүд болсон явдлын талаар зөрүүтэй мэдээлэл гаргажээ. Зарим агентлаг туслах нисгэгч онгоцыг осолдуулах гэж оролдсон гэсэн байна. Мөн хэвлэл туслах нисгэгчийг Оман, АНЭУ-ын иргэншилтэй хүн байсан гэсэн бол зарим нь ОХУ, Украины иргэн байсан гэжээ.
Уг явдлын дараа Нетаньяхугийн хэвлэлийн төлөөлөгч Дорон Спилман “Reuters” агентлагт хэлэхдээ “Израил руу нисэх бүх нисгэгчийн хувийн мэдээлэл, ямар хүн болохыг нь судалж, аюулгүй байдлын тодорхой шалгалт хийх болно” гэсэн юм.
Эх сурвалж: Reuters
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.