2020 оны гуравдугаар сарын 10-нд манай улсад шинэ коронавирусийн халдварын тохиолдол бүргэгдсэн билээ. Улмаар Франц иргэнтэй ойр байсан иргэдээс шинжилгээ авсаар байгаа билээ. Тэгвэл тохиолдолтой ойрын хавьтлын хүмүүсийн хариу гарсаар байна.
ХӨСҮТ-ийн дарга Нямхүү: Өчигдөр өглөө Дорноговь аймгийн кемпээс ирсэн 54 иргэний шинжилгээний хариу сөрөг гарсан. Ингээд нийт хамгийн ойрын буюу нэгдүгээр хавьтлын 269 гаруй хүний шинжилгээний хариу сөрөг гарч, хавьтлуудыг бүрэн хянаж дуусгалаа. Түүнчлэн Баян-Өлгий, Дархан, Сэлэнгэ аймагт нийт 53 хүнийг ажиглалтад авч, тусгаарласан.
