/2020.03.23-27/-ны өдрүүдэд Тээврийн цагдаагийн албаны Жижүүрийн шуурхай удирдлагын хэлтэс нийт 664 дуудлага мэдээлэл хүлээн авснаас 476-н зам тээврийн ослын шинжтэй дуудлага мэдээлэл бүртгэгдсэн.
Бүртгэгдсэн зам тээврийн ослын улмаас 10 хүн гэмтсэний 2 хүүхэд байна. Ноцтой зам тээврийн ослын улмаас нийслэлд нэг, орон нутагт 3 хүний амь нас хохирсон бөгөөд нэг хүүхэд байна. Тодруулбал:
/2020.03.24/-ны өдрийн 11:00 минутын орчим Сүхбаатар аймгийн Сүхбаатар сумын 3-р багийн нутаг “Арын нуур” гэх газар шороон замд Toyota Harrier маркийн А жолоочтой автомашины хойд хаалга онгойж зорчигч хоёр настай, эмэгтэй Ц-гийн амь насыг хохироосон байна.
СЭРЭМЖЛҮҮЛЭГ: Иймд замын хөдөлгөөнд оролцож буй жолооч бүр сонор сэрэмжтэй байж, бага насны хүүхдийг зориулалтын суудалд бэхэлж суулгахыг тээврийн цагдаагийн албанаас сэрэмжлүүлж байна.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Томчуудын буруугаас болж хүүхэд ямар их эндэж байна. Коронад биш бусад тохиолдолд анхаарлаа хандуулаач.