Найм дахь удаагийн УИХ-ын сонгуулиар иргэдийн итгэлийг авч, сонгогдсон гишүүд өнөөдөр /2020.06.30/ Төрийн ордонд тангаргаа өргөсөн билээ. Тэд өчигдөр /2020.06.29/ УИХ-ын гишүүний үнэмлэхээ гардан авсан. Гэвч өдгөө 461-дүгээр хорих ангид хоригдож буй Ж.Эрдэнэбат гишүүнээс бусад гишүүн үнэмлэхээ авч, тангаргаа өргөсөн юм.
Тангаргаа өргөсөн гишүүдийн ердөө хэдхэн нь л амны хаалт зүүсэн харагдсан бол дийлэнх нь зүүгээгүй байлаа. Өнөөдөр УОК хуралдаж, цаашид хөл хориог сунгах эсэх мөн ковид-19 халдвар нь хожуу үед илэрч буй эрсдлийг мэргэжлийн байгууллагууд тооцоолсныг Засгийн газар, Улсын Онцгой комисс харгалзан үзнэ гэсэн.
Гэвч өнөөдөр тангаргаа өргөсөн УИХ-ын шинэ гишүүд, коронавирусийн хөл хорионы үеийн дэглэмийг зөрчиж, тэр тусмаа төрийн ордонд амны хаалтгүй сууж буй нь олны шүүмжлэлд өртлөө.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.