1960-2000 оны хооронд Рок хөгжмийн ертөнцөд тасралтгүй хөдөлмөрлөсөн, “хатан хаан” өргөмжлөлт Тина Тёрнер 80 насандаа “iTunes Chart”-ын нэгдүгээрт жагслаа.
Түүний “What’s Love Got To Do With It” хит 1984 онд цацагдаж, дараа жилдээ Грэммийн хоёр шагналыг эзэндээ авчирч байв. Энэ түүний хуучин нөхөр Айк Тёрнерийн хүчирхийллээс зугтаж, бие даан уран бүтээл хийж эхэлсэн цагаас нь хойших хамгийн том амжилт болсон түүхтэй.
Тэгвэл энэ оны долоодугаар сарын 17-нд Норвегийн ремикс уран бүтээлч Kygo “хатан хаан”-тай хамтран “What’s Love Got To Do With It” дууг шинээр найруулж, сонсогчдод бэлэг барилаа.
Харин шинэ найруулга iTunes Chart жагсаалтад сүүлийн хоёр өдөр нэгдүгээрт жагсаж байна. 2008 онд аялан тоглолт хийснээсээ хойш тайван аж амьдралын хэмнэлийг сонгосон Тина ийн 80 насандаа дахин хит болж байна.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.