Ч.Хүрэлбаатар сайдын хоёр УХРАЛТ
НЭГДҮГЭЭРТ: Сангийн сайд Ч.Хүрэлбаатар “Төсвөө тодотгохгүй. Тийм шаардлага үүсээгүй” хэмээн 10 гаруй удаа хэлж, гүрийсээр сонгуультай золгосон. Гэтэл сонгуулийн дараа яаралтай төсөв тодотгох шаардлагатай, төсвийн алдагдал 3.8 их наядад хүрэх нь гэж орилцгоож, гэнэт сандралдаж эхлэв. Үүнтэй холбогдуулан даваа гарагт ээлжит бус чуулган хуралдуулах гэж байгаа юм.
УИХ 2020 оны төсвийг 2.3 их наяд төгрөгийн алдагдалтай баталсан. 2020 оны нийт орлогыг 12.9 их наяд төгрөг байхаар тооцоолохдоо 3.2 их наяд төгрөгийг уул уурхайн салбарын орлого, 3.5 их наяд төгрөгийг импорт, 5.1 их наяд төгрөгийг эдийн засгийн өсөлтийн хүчин зүйлийн орлого, 1.1 их наяд төгрөгийг татварын бус орлогоос бүрдүүлэхээр тооцсон билээ. Гэвч цар тахал, хил хаах, хорио цээртэй холбоотойгоор аж ахуй нэгжүүдийн үйл ажиллагаа зогсох, доголдож, орлого буурсан нь ийнхүү төсөвт тодотгох шалтаг болсон.
Нөгөө талаар сонгуулийн жилийн төсвийг хэт данхар баталсан. Аймаг орон нутагт гишүүд төсвөөр дамжуулан тойргоо услах үйл явцыг тун чадмаг хийсэн.
Харин түүнийг нь Сангийн сайд Ч.Хүрэлбаатар цээжээрээ сайн хамгаалсан. Ингэж хамгаалж чадсан байхад түүнд өчигдрийн хэлсэн үгнээсээ өнөөдөр ухарч байгаа нь юу ч биш бололтой.
ХОЁРДУГААРТ: Төсөвт тодотгол хийснээр төсвийн алдагдал 3.8 их наяд төгрөгт хүрэх төлөвтэй. Үүний 1.6 их наяд төгрөг эх үүсвэртэй алдагдал гэдгийг Ч.Хүрэлбаатар тайлбарласан. Өөрөөр хэлбэл, гадаадын зээл, тусламжаар хэрэгжүүлэх төслүүд. Тэгэхээр 2.2 их наяд төгрөгийг хаа нэгтээгээс олох шаардлага үүснэ.
Тиймээс дотооддоо бонд гаргаж магадгүй гэж дуугарсан. Өөрөөр хэлбэл Засгийн газар үнэт цаас гаргаад банкуудад зарах нь. Эдийн засгийн хямралаас шалтгаалан банкууд зээл олгохоос болгоомжилж буй. Банкууд таван их наяд төгрөгөөр Төвбанкны үнэт цаасыг худалдан авсан.
Өөрөөр хэлбэл, санхүүгийн зах зээлд Засгийн газрын бондыг худалдаж авах боломжтой таван их наяд төгрөг бэлэн байгаа гэж тооцож буй хэрэг аж. Засгийн газар 1.5 их наяд орчим төгрөгийг дотоодын зах зээлээс татаж, төсвийн алдагдлыг нөхнө гэж тооцсон бололтой.
Ийнхүү Засгийн газар өрийн бичиг гаргаж, банкуудаас мөнгө зээлж байгаа нь эсрэг талдаа хэд хэдэн эрсдэл дагуулж байгаа.
• Дотоодын зах зээл дэх Засгийн газрын өр нэмэгдэнэ
• Банкуудын активыг бизнес эрхлэгчидтэй уралдан төр булаан авна гэсэн үг
• Төв банкны үнэт цаасны үнэ өснө
• Дээр нь гадаадын өндөр дүнтэй бондын зээлүүдийн төлөлт эхэлнэ гээд асуудлууд нэмэгдэх нь.
У.УЯН
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Төсөвтөө хэт бардсан үрэлгэн сайд хэрэггүй.Дээр нь Монгол улсын газрыг хэвлийн баялагтай нь зарж, ЖДҮ авсан бол хуулийн хариуцлага хүлээх ёстой иргэнийг сайд брлтол нь дэвшүүлдэг намын дарга хүртэл огцлрох ёстой
Ajilaa hiij chadahgui yumnuud z##laad ajillaj chaddag negnee taviaasai da selemtee
Манайд торийн ондор �##�ба хашдаг �##�бан туша�##�тан эрх мэдэл байр суурь мэдээлэлд ойр давуу т�##�аа ашиглан хууль бус уйлдэл хийчихэд хариуцлага тооцдоггуй хууль дурэм нь уйлчилдэггуй болохоор хэн дуртай нь юу дуртайгаа хийх болждээ