СУРВАЛЖИЛГА, НИЙТЛЭЛ

СУРВАЛЖИЛГА: Л.Энх-Амгалан гишүүний барилгын компани Гимнастикийн тамирчдын бэлтгэлийн заалыг АЮУЛТАЙ НӨХЦӨЛД оруулжээ

Монголын цор ганц Гимнастикийн спортын төв заалны зэргэлдээ хууль бус барилгын ажил хийгдэж байна гэсэн иргэдийн мэдээллийн дагуу сурвалжилга бэлтгэлээ. Биднийг ирэхэд Спортын төв ордоны ард байршилтай 43-р байр болон Гимнастикийн төв заалны барилга хоорондын хэсэг газрыг тойруулан хашаа хатгасан байсан ба дотогш хүн нэвтрэх боломжгүй байв.

Уг 43-р байрны СӨХ-ны дарга Д.Дариймаа болон Монголын Гимнастикийн холбооны ерөнхий нарийн бичгийн дарга Г.Ерөөлбаттай уулзаж, болж буй үйл явдлын талаар ярилцсан юм. Өнгөрсөн пүрэв гарагт уг газрыг ухаж эхлээд орхисон гэх бөгөөд борооны ус тогтсон байдалтай байлаа. 43-р байрны дээвэр дээрээс уг газар дараах байдлаар харагдаж байв.

-ӨДӨРТ ХАНГАЛТТАЙ 1.5 ЦАГ НАР ТУСНА ГЭЖ ХЭЛДЭГ-

“Гимнастикийн заалны барилга 1977 оноос хойш тасралтгүй ашиглагдаж байгаа. Өдөрт таван ээлжээр 400-аад хүн бэлтгэл, сургуулилт хийдэг. Монголын гимнастикийн спортын амин сүнс болсон барилга. Гимнастикаар хичээллэдэг үе үеийн хүмүүс мэднэ” хэмээн Г.Ерөөлбат хэлж байв. Гэтэл уг барилгын ажилтай холбоотойгоор заалны барилгын суурийг 22м гүн ухаж орхисон нь /15х30 хэмжээтэй/ бэлтгэлийн байранд ус нэвчих шалтгаан болсон гэв.Тус газрын доор усны судал байдаг учир тогтсон ус доош нэвчдэггүй, үмхийрч ногоордог аж.

Харин 43-р байрны иргэдийн хувьд уг газарт барилга баригдвал 77 цонх нар үзэх боломжгүй болно гэж байв. Сурагчдын хичээл эхлэхэд байрны эргэн тойронд хүн зөрөх зайгүй машинууд тавигддаг бөгөөд, түргэний тэрэг, галын машин орж ирэхэд хүндрэлтэй байдаг аж. Тус барилга баригдвал байдал бүр хүндэрнэ гэдгийг Д.Дариймаа хэлсэн юм. “Энэ бол нийт 80 айл, 300 гаруй хүний амьдардаг байшин. Хоёр байшин хоорондоо дор хаяж 15 метрийн зайтай баригдах ёстой стандарт бий. Гэтэл энэ барилга баригдвал манай байшин хооронд ердөө 3.5 метрийн зай үлдэнэ. Хариуцсан хүмүүст хэлэхэд танай байшинд ямар ч хохирол учруулахгүй зураг төсөл төлөвлөсөн. Эвэрлестийн хуулиар өдөрт 1.5 цаг нар тусахад л хангалттай гэж үздэг, нар нэг газраа байхгүй тойроод явдаг учир танай айлуудын цонхоор хангалттай 1.5 цагийн турш нар тусна гэсэн утгагүй зүйл хэлдэг” гэв.

Өмнө нь уг хэсэг газар УИХ-ын гишүүн Ц.Даваасүрэнгийн эзэмшилд байсан гэв. Тухайн үед мөн л барилгын ажил хийгдэх болж ухалт хийхэд зун цагаар ус тогтон, 43-р байрны зоорийн давхар луу нэвчиж мөөгөнцөртүүлэн, барилгын хийцэд сэв суухад хүрсэн байна. СӨХ-ийн ажилтнууд удаа дараа нэхэмжлэл гаргасны эцэст 2011 оны тавдугаар сард “барилга барихыг хориглосон” шийдвэр гаргуулж авсан гэдгийг хэлэв. Гэвч найм орчим сарын өмнөөс дахин барилга баригдах тухай зүйл яригдаж эхэлсэн аж.

-В.БАЯРЖАРГАЛ ГЭЖ ХҮН ГУРВАН ТАЛД ХУДАЛ ХЭЛЖ ЯВДАГ-

УИХ-ын гишүүн Ц.Даваасүрэн уг газраа УИХ-ын гишүүн Л.Энх-Амгаланд зарсан гэх мэдээлэл байгаа тухай иргэд хэлсэн юм. Харин одоогийн байдлаар тус газар иргэн В.Баяржаргалын нэр дээр байдаг гэв.

“Бидний нэхэмжлэлийн хариу хэдэн сар жил болоод ирдэггүй. Харин энэ хүмүүсийн газар эзэмших эрх хормын төдийд л гарчихдаг юм байна” гэж иргэд хэлж байлаа.

Мөнөөх В.Баяржаргал гэх иргэн 43-р байрны СӨХ-ийн дарга болон Монголын Гимнастикийн хороотой гэрээ хэлэлцээр хийлгүй уг барилгын ажлаа шууд эхлүүлсэн аж. Найман сарын өмнө В.Баяржаргал “Гимнастикийн хороотой ярьж тохирсон байгаа. Танай нар сарыг халхлахгүй байшин барина” гэдгийг 43-р байрны иргэдэд хэлж байсан боловч үнэн хэрэгтээ Гимнастикийн хороотой ямар ч гэрээ хэлцэл хийгээгүй байж. Эхэндээ аман тохироо хэлбэрээр тодорхой хэдэн зүйл ярьж байсан боловч сүүлдээ алга болж, шууд барилгын ажлаа эхлүүлсэн хэмээж байв.

УИХ-ын дэд дарга Л.Энх-Амгалангийн 100 хувь эзэмшдэг Интер групп интернэйшнл ХХК уг барилгын ажлыг гүйцэтгэх толгой байгууллагаар ажиллаж байгаа нь анхаарал татав. УИХ-ын дэд дарга Л.Энх-Амгалан Монголын Гимнастикийн холбооны Ерөнхийлөгч Б.Лхагважав руу залгасан хэдий ч “Юу ярихыг нь мэдэж байгаа учраас утсаа аваагүй гэсэн мэдээллийг бидэнд өгөв.

“Найман сарын өмнө Ц.Шаравжамцтай уулзахдаа ижил хэмжээгээр нь зураг гаргаад, гимнастикийн байрыг шинээр барьж өгье гэх зүйлийг хэлж байсан гэсэн. Түүнээс Гимнастикийн хороо үүнийг албан ёсоор зөвшөөрсөн зүйл байхгүй. В.Баяржаргал гэдэг хүн ингэж гурван талд худал хэлц, цохилдуулж яваа” гэж Г.Ерөөлбат хэллээ.

Мөн иргэд тус 43-р байрны ойролцоо байх таван давхар цагаан барилгыг УИХ-ын гишүүн Ц.Даваасүрэнгийнх хэмээж байв. Хачирхалтай нь мөнөөх барилга баригдвал энэхүү таван давхар барилгын айлууд ч мөн нар үзэхгүй болох боловч, ямар ч эсэргүүцэл үзүүлдэггүй, чимээгүй суудаг гэв.

Гимнастикийн заалны хувьд хоёр жилийн турш БСШУСЯ-нд хандан дээвэр, гадна дотно фасадаа засуулах төсвийг гаргуулж авсан байна. 165 сая гаруй төгрөгийн уг засвараа эрт даруй эхлэх хэрэгтэй боловч уг газрын маргаанаас үүдэн хойшлоод байгаа ажээ.

“Хамгийн сүүлд пүрэв гарагт В.Баяржаргалтай таарахад, манай газраас зайл, та нарт хамаагүй хэмээн хөөсөн” гэж тэд хэллээ.


-ЗААЛНЫ БЭЛТГЭЛ ХИЙХ НӨХЦӨЛ ХҮНДЭРЧ, ТАМИРЧДЫН ДУНД БЭРТЭЛ ГАРАХ БОЛСОН БАЙВ-

Цаашлан бид Гимнастикийн төв заал ямар байдалтай хичээл, сургуулилтаа явуулж байгаатай танилцав. Ороход ямар ч хүний амьсгал давчидмаар бүгчим, маш их чийгтэй нөхцөл угтсан юм. Барилгын дээврээс дусаал дусаж, шалан дээр хэд хэдэн түмпэн сав тосож тавьжээ. Мөн мөнөөх барилгын ажил хийгдэх ус тогтсон газартай залгаа ханаар ус нэвчиж буй учир тэр хэсгийн бэлтгэлийн дэвжээг хуулж авсан байв.

Бэлтгэлийн цэнхэр дэвжээ стандарт хэмжээгээрээ байсан нөхцөлд бүрэн цогц дасгалыг хийх боломжтой аж. Харин ус нэвчсэний улмаас нэг талын дэвжээг хуулсан учир тамирчдын дасгал сургуулилт зогсонги байдалд орчхоод буйг ажилчид хэлж байв.

Мөн таазны карказ төмрүүд аль хэдийнэ зэвэрч эхэлжээ. Хананы дийлэнхи хэсгийн будаг ховхорч, өнцөг буландаа мөөгөнцөртсөн байв. Үүний дээр хананы суурь хэсгүүд хагарч, барилгын аюулгүй байдалд эрсдэл учирсан гэв. 1980 оны Москвагийн олимпийн алтан медальт, багш Н.Оюунтуяа:

Заал нэлэнхүйдээ чийгтэй байгаагаас болж дасгал хийхэд хэцүү байна. Нэг хүү гүйлт хийж байгаад хальтирч, хөлдөө багахан гэмтэл авчихлаа. Аав нь ирээд аваад явсан. Ер нь чийгтэй нойтон нөхцөлд хүүхдүүд маань туршлагатай тамирчид биш учир хөнгөн бэртэл авах тохиолдол гарч байна. Бид ч бас өдөржин эндээ ажилладаг учраас анзаардаггүй болохоос, эрүүл мэндээрээ хохирохуйц байдалд байгаа” гэж бидэнд ярилаа.

Мөн зааланд бэлтгэл хийж байсан олон улсын мастер А.Энхтулгаас тодруулга авахад,

-“Заалны дээрээс дусаал гоожиж байгаагаас болж зарим дасгалаа хийж чадахгүй байгаа. Дасгал хийж болж буй хоёрхон хэрэгсэл бий. Уг нь зургаан хэрэгсэл дээр бэлтгэл хийж байж тэмцээндээ оролцох ёстой. Аравдугаар сард Гермманд болох Дэлхийн аварга шалгаруулах тэмцээнд орно. Түүнд оролцож байж дараа дараачийн олимпод оролцох эрхээ авдаг. Гэтэл дасгалаа цогцоор нь хийж чадахгүй, хүнд байдалтай байна. Нэг ёсондоо тэмцээнд орж чадахгүй болох нь” хэмээсэн юм.

Олимпод медаль хүртсэнийх нь дараа бид магтах үгээ олж яддаг. Гэвч тамирчид маань үнэн хэрэгтээ ийм нөхцөл байдалд бэлтгэлээ хангаж байна. Амьсгалын өндөр ачаалал бүхий тамирчид бүү хэл энгийн хүн дотор нь хэдхэн минут байхад давчидмаар чийгтэй байсныг онцлууштай. Үүний зэрэгцээ мөнөөх газрын маргаан, ухаад орхисон нүхнээс болж тамирчид бэлтгэлээ хийж чадахгүйд хүрч байгаа нь хамгийн харамсалтай.

Иргэн В.Баяржаргалын эзэмшил газрын асуудал Монгол дахь цор ганц Гимнастикийн спортын төв заал, 300 хүний орон сууцанд ийм хохирол учруулж байна.

М.ТЭНГИС

ГЭРЭЛ ЗУРГИЙГ: Д.ЦЭРЭНЧИМЭГ

Таг

Холбоотой мэдээ

73 Сэтгэгдэл

  1. I simply couldn?t go away your website before suggesting that I really enjoyed
    the standard information an individual provide in your visitors?
    Is gonna be back incessantly to check up on new posts|
    I wanted to thank you for this good read!! I absolutely loved every little bit of it.

    I have you book-marked to look at new things you post? https://www.miniexcavationrbeaudet.com

  2. Greetings! Very helpful advice in this particular post!
    It?s the little changes which will make the largest changes.
    Many thanks for sharing!| I absolutely love your site..

    Pleasant colors & theme. Did you build this website yourself?

    Please reply back as I?m looking to create my own website and would like to know
    where you got this from or what the theme is named.
    Thanks! https://clindoeilmontreal.ca

  3. Hello would you mind letting me know which web
    host you?re using? I?ve loaded your blog in 3 different web browsers and I must say this blog loads a lot faster then most.
    Can you recommend a good web hosting provider at a fair price?
    Many thanks, I appreciate it! https://www.publissoft.es

  4. Its like you learn my mind!
    You seem to grasp so much about this, such as you wrote the book in it or something.
    I think that you just could do with a few
    percent to force the message house
    a little bit, however instead of that, that is
    wonderful
    blog. A great read.
    I will definitely be back.|
    I visited many web sites but the audio quality for audio
    songs present at this web site is truly excellent.|
    Hi, i read your blog from time to time and i own a similar one
    and i was just curious if you get a lot of spam responses?
    If so how do you protect against it, any plugin or
    anything you can recommend? I get so much lately it?s driving me insane so any assistance is
    very much appreciated.|
    Greetings! Very helpful advice within this post!
    It?s the little changes which will make the greatest changes.

    Many thanks for sharing!|
    I seriously love your site.. Excellent colors &
    theme. Did you build this site yourself? Please reply back as I?m wanting to create my own personal
    website and would like
    to know where you got this from or what the theme
    is named. Thanks! https://www.entreprisesjosemelo.ca

Хариулт үлдээх

АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Back to top button
Close