УЛС ТӨР

Н.Багабандийн атган дахь УУЛ УУРХАЙН КОМПАНИУД

Монгол Улсын төрийн тэргүүн гэх эрхэм хүндтэй суудалд найман жил тухалсан эрхэм нь улсынхаа хамгийн том мөнгө эргэлддэг уул уурхайн компаниудыг дам байдлаар атгаад суучихсан орон манайхаас өөр нэн ховор олдох биз. Нийтийн эрх ашиг, Үндэсний эв нэгдэл, тусгаар тогтнолын бэлгэ тэмдэг болж явсан эрхэм эдүгээ Оюутолгойн ТУЗ-ийн гишүүнээр ажиллаж, өндөр эрх ямба дор дэлхийн хэмжээний том төслөөс хувь хүртэж суугаа. Түүгээр ч үл барам “Эрдэнэт үйлдвэр”-т өөрийн хүн болох Х.Бадамсүрэнгээ, “Эрдэнэс Тавантолгой”-д туслах асныхаа хүнийг тавих замаар манай улсын уул уурхайн гурван том компанийг эрхшээж буй алдартан юм.

“ОЮУТОЛГОЙ”-Д ТУЗ-ӨӨР НЬ ДАМЖУУЛАН САНДАЙЛАГЧ:

Монгол Улсыг хоёронтоо толгойлсны эцэст 2005 онд Ерөнхийлөгчийн сэнтийгээс буусан билээ. Түүнээс таван жилийн дараа буюу 2010 онд “Оюу толгой” ХХК-ийн ТУЗ-ийн гишүүнээр томилогдоод суучихсан. Улмаар 2016 оны есдүгээр сард буюу МАН УИХ-д олонх болсны дараа “Оюу Толгой” ХХК-ийн ТУЗ-д дахин томилогдсон байдаг. Харин АН-ыг засаг барьж байх үед буюу 2013-2016 он хүртэл гурван жил гэртээ суусныг эс тооцвол гэрээ байгуулагдсан цагаас л Монголын Засгийн газрыг төлөөлж “Оюутолгой”-н ТУЗ-д ажиллаж байгаа.

“Оюутолгой”-н ТУЗ бол гадаад худалдаа, валют эргэлт, уул уурхайн салбарын орлого бүхий Монголын эдийн засгийн ДЭД БҮТЭЦ, ГОЛ ЦӨМ нь юм. Энэ ч утгаараа ТУЗ-д суусан хүмүүс нь цалин хангамж өндөртэй. Зүгээр сууж байгаад цүнх цүнхээр мөнгө олдогтой адил зүйл. Гэвч тэрбээр яагаад Монголын эрх ашгийн талаар дуугардаггүй, яагаад Оюутолгойн гэрээ байгуулсан хүмүүсийг ээлж дараалан шоронд хийж байхад хөдөлдөггүйг олон хүн гайхаж, бас харддаг.

“ЭРДЭНЭС ТАВАНТОЛГОЙ”-Д Т.АЮУРСАЙХАНААР ДАМЖУУЛАН САНДАЙЛАГЧ:

Н.Багабанди 2006 оноос Т.Аюурсайхан гэх залууг өөрийн шадар туслахаар ажиллуулж, сур шиг болтол нь нухаж зөөллөөд улс төрд оруулж ирсэн. Тэр цагаас хойш чамгүй хугацаа өнгөрч түүний туслахын улс төрийн бие даасан үйл ажиллагаа өргөжин тэлж, нэг л мэдэхэд өнөөгийн улс төрийн амьдралд Н.Багабандийн нэгэн өвөрмөц хувилбар болон төлөвшсөн гэдэг. Өдгөө тэр УИХ-ын Дэд даргын суудалд хүртлээ дэвшээд буй.

Гуя дагуулж хүзүү гэгчээр Т.Аюурсайхан өөрийн хүн гэгддэг Б.Ганхуягийг “Эрдэнэс тавантолгой”-н толгойд суулгав. Үндсэндээ Н.Багабандийн улстөрд бэлдсэн хүн Т.Аюурсайхан “Эрдэнэс тавантолгой”-д далд байдлаар супер өндөр эрх ашигтай, нөлөөтэйгөөр оролцдог. Өөрөө улстөрд байхгүй ч, хүнээ ингэж л бэлдэж далд сарвуугаар нөлөөллөө тогтоодгийн жишээ.  

“ЭРДЭНЭТ ҮЙЛДВЭР”-Т Х.БАДАМСҮРЭНГЭЭР ДАМЖУУЛАН САНДАЙЛАГЧ:

Н.Багабанди өөрөө Монголын зэсийн хамгийн том төслийн ТУЗ-д ажиллахын сацуу, өөрийн итгэлт хүнээ “Эрдэнэт” үйлдвэрийн захирлаар томилуулж чадсан явдал. Тэр нь Х.Бадамсүрэн. Монголын улстөр цаашлаад уул уурхайн компаниуд Н.Багабандийн атганд байгаагийн хамгийн том илрэл. Түүнийг “Эрдэнэт”-ийн захирлаар томилуулж, улмаар албан тушаалд нь хэдэнтээ үлдээж чадсан.

Өөрөөр хэлбэл “Эрдэнэт” ТӨҮГ-ын захирал Х.Бадамсүрэнг ажлаас нь чөлөөлөх асуудал яригдсаар ирсэн ч өнөөг хүртэл ажил хэрэг бололгүй, хойшилсоор байгаа. Түүнийг албан тушаалаас нь чөлөөлөх асуудал яригдах бүр Ерөнхийлөгч асан Н.Багабанди Ерөнхий сайд У.Хүрэлсүхээс хувийн журмаар гуйдаг гэгддэг. Одоогоос яг жилийн өмнө /2019 оны аравдугаар сард/ Ерөнхий сайдыг “Эрдэнэт” ТӨҮГ-т ажиллах үеэр Х.Бадамсүрэнг албан үүргээс нь чөлөөлөх асуудал хөндөгдсөн ч тэгсгээд намжиж байв.

Хөшигний ард “Эрдэнэт үйлдвэр”-т тогтоосон онцгой дэглэм дуусангуут түүнийг үүрэгт ажлаас нь чөлөөлнө гэгдэж байсан ч, одоо Ерөнхийлөгчийн сонгууль өнгөртөл ажиллуулахаар тохирсон гэх мэдээлэл байна. Ингэж үлдэх бүрийн ард Н.Багабандийн “Х.Бадамсүрэнг албан тушаалд нь үлдээж өгөөч” гэх гуйлт үйлчилчихсэн байдаг.

Тухайлахад, өнгөрөгч наймдугаар сард ТӨБЗГ-ын дарга Б.Цэнгэл /2020.08.13/, УУХҮ-ийн сайд Г.Ёндон /2020.08.15/, Ерөнхий сайд /2020.08.21/, П.Очирбат, Гадаад харилцааны сайд Ж.Гомбожав нар шил дараалан “Эрдэнэт үйлдвэр”-т очсон. Бүгд л Н.Багабандитай гэнэтхэн таарсан болж будаатай хуурганд уригдсан. У.Хүрэлсүхийн Хөвсгөлд амарч явах үеэр Н.Багабанди ч амарч яваа нэртэйгээр таарч мөн л Х.Бадамсүрэнгийн албан тушаалыг гуйсан. Маш товчоор бол Х.Бадамсүрэнгийн томилгоог хариуцагч нь Н.Багабанди.

ТӨГСГӨЛИЙН ОРОНД: Харагдах байдлаасаа бол жирвийсэн сахалтай, жимбийсэн царайтай, сүрхий “дипломатч” эрхэм. Бодит байдал Монголын төрийн тэргүүнээр ажиллаж байсан хүн монголын хамаг л өнгөтэй өөдтэй “Оюутолгой”, “Эрдэнэт үйлдвэр”, “Эрдэнэс тавантолгой” зэрэг компаниуд дээр сандайлаад суучихсан. Монголын баялгийн сан энэ хүний үед огтоос хөдөлсөнгүй. Үүний цаана үл гүйцэлдэж дуусах ахуйн асар их шунал л бий. Тэрхүү шуналаа барьж хүчирдэггүй. Улстөрөөс уул уурхай руу гар сарвайсан шуналтай өвгөчүүл болон хувирдгийн тод жишээ болж явна.

Энэ мэдээнд таны өгөх үнэлгээ
Like
Love
Haha
Wow
Sad
Angry
Таг

Холбоотой мэдээ

33 Сэтгэгдэл

  1. сэтгүүлчид гэж хөгийн юм бичдэг болждээ хөөрхийс. Зүгээр л хамаатуулаад хамаатуулаад явчих юм байна. УИХ-ын гишүүн Дэлгэрсайханы тухай бичээч

    1. Багабандийг С.Зоригийн үхлээс авхуулаад хойших өнөөг хүртэл бүх юманд сайн ш####гах хэрэгтэй. Спам гэж сэтгэгдэл хаахаа болиоч нэрээ бичдэггүй админ гэгч хоосон толгойт минь ! Ингэж байгаад хэн ч тоож уншихгүй хуудас болж байсан газар олон бий шүү !

    2. Алтан бүс зүүсэн авилг####ч. Африкийн ядуу орнуудын ард түмэн идэх хоолгүй сийрсэн овоохойд амьдарч байхад ерөнхийлөгч нар нь баян тансаг орд харшид саятны амьдр####аар амьдарч байдаг. Түүн шиг манай ерөнхийлөгч нар бүгд л луйвар, хулгайгаар хөлжсөн байдаг. Тэгсэн мөртлөө хамгийн шударга нэгний дүрд тоглож бу######д сурга####ь айлдана. Арай л бишээ.

    3. Дэлхийн хэмжээний том төсөлүүд шдээ Энэ 3 бол хажууд нь тэр дэлгэрсайханийх 80 хуваасны нэгтэй тэнцэх байлгүй

  2. багабанди гэж хүн улс төрөөс гараад удаж байна. Энэ хүн Энхбаяр_ Элбэгдорж_ Баттулга 3 шиг Монголын төрд гай тариагүй юм шүү

    1. Хувцаа.Гай болоогүй байтлаа ийм байдаг юм уу.Муу санаа нь барьсандаа багтахаа байсан өгөр новшийн төгцөг

      1. Энэ хүн ЭРДЭНЭттэй батта холбоотой хүн.Ганболдоос Отгонбилэгтэй эрдэнэтэд толилуулах гээд чад####гүй хэдэн ч удаа буцаасан билээ.Одоогийн захир#### Бадамсүрэнтэй бас холбоотой.Энэ бол хөдөлшгүй үнэн

        1. Сайн ш####гах хэрэгтэй. Эрдэнэтээс Бадамсүрэнг яагаад авч хаяж чадахгүй байна ? Зайлуулах хэрэгтэй !

      1. Монголыг элгээр нь хэвтүүлсэн худлаа гэмгүй шударга царайлсан зоригийн үхлийг ш####тгааныг мэддэг хэрнээ дуугүй байдаг хамгийн адгийн новш бол багабанди.

        1. Н Багабанди Бээжин хавь царайлчихаад Хийгүй цавчигч хувьдаа уул уурхайтай бас лиценц эзэмшигч хувь авдаг мэдээж ш дээ Рио Тинтоогийн гар хөл утсан хүүхэлдэй урвагч этгээд

    2. Шаагаарай миний хүү. Титэм үг нь бузар үг болсон хүн шүү. Хүрэлсүх бол Багабандийн хүн гээд л бодчих өөр олон юм ярьж болно

  3. ЭНэ сах####тай өвөө одоо х####аагаа өгөх болоогүй юу. монголын эдийн засгаас савраа татаач. Ерөнхийлөгч нэртэй байхдаа юу гйигүүлсэн хүн бэ.

  4. Үнэн бичжээ. Уул уурхайг атгаад зогсохгүй, төрийн бүх булхайг найруулдаг хүн. Энэ нийгэмд болж байгаа муу муухай зүйлийн т####аар нэг удаа ил гарч хэлж ярьдаггүй, з####ьтай. Дуугай хүний доодох нойтон гэж үнэн.

  5. ОДОО сайн дураараа ажлаа өгөөч. ХАНГАЛТТАЙ. ЭХ орон гэх сэтгэлгүй ийм хүнийг ########уулж байх нь зөв.

  6. Za estoi chuham uneng ni bichij.T.Ayursaihan bol yah argagui Bagabandiin beldsen hun gedeg ni battai unen.Bainga l gereer ni ochij bdag gesen.T.Ayursaihanii oir bsan hun tegj yrihiig sonsson.Er ni eh oron ard tumnee gej duugarahgui ,humsaa nuusan muujgai shig muuhai ,shunaltai hundee.

  7. Оюу толгойд юү хариуцуулах гэж хэн тэнд томилж суулгадаг юм бол. Монголын эрх ашгийг төлөөлөх үүрэгтэй суусан бол Оюутолгой өнөөдөр ийм их маргаантай , ашиггүй ажиллаж байхгүй байхсан.

  8. Ene shunalt amitniig ####uulj boldoggyi yum baih daa.yasanch ichdeggyi hurald beedee.uls orond maani hezee neg eh oron ard olnoo ene met luivarchdaas salgah udirdagch garah yum boldoo

  9. Үе үеийн ерөнхийлөгчдөөс Багабандийн үед Зоригийн үхэл, Эрдэнэт…гээд дандаа уул уурхайн с####барт түүний оролцоо нөлөөлөл их байдаг тухай бараг боть ботиор нь гарах байх шүү. Өнөөгийн төрд ч түүний сарвуу явж л байгаа. Ерөнхий сайд нарын ихэнхийг тэр л д####даас удирдаж улс гүрнээ уруудуулж доройтуулж өөрсдөө хууль бусаар баяжиж хүрээгээ тэлж бдаг бололтой. Энэ нөхрийн үеэс монголын хөгжил зогсонги байд####д орсон. Эх нутгийн баялгийг гадагш нь зарж үйлдвэрлэл нь зогсож ажилгүйдэл бий болсон.

Хариулт үлдээх

АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Back to top button