ХУУЛЬ: Д.Сумъяабазар ХОТЫН ДАРГА болохын тулд гишүүний бүрэн эрхээсээ ӨӨРӨӨ ТҮДГЭЛЗЭНЭ

УИХ-ын гишүүн, Нийслэлийн МАН-ын дарга Д.Сумъяабазарыг Нийслэлийн Засаг дарга бөгөөд Улаанбаатар хотын захирагчаар томилох саналыг Нийслэлийн МАН-ын хороо гаргасан. Улмаар МАН-ын Удирдах зөвлөлийн хуралдаанаар эцсийн шийдвэрийг дөнгөж сая гаргаж, түүнийг Хотын даргад дэмжлээ.

Тэгэхээр Монгол Улсын Их Хурлын гишүүн хуульд заасан тодорхой төрлийн ажлаас бусдыг хавсарч хийх боломжгүй болж буй юм.

Тодруулбал, Монгол УИХ-ын тухай хуулийн 42 дугаар зүйлд зааснаар: Гишүүн хавсран гүйцэтгэж болох ажил, албан тушаал:

• 42.1.Гишүүн бүрэн эрхийнхээ хугацаанд дараах ажил, албан тушаал хавсран гүйцэтгэх эрхтэй:

• 42.1.1.Ерөнхий сайд, Засгийн газрын гишүүн;

• 42.1.2.улс төрийн намын сонгуульт албан тушаал;

• 42.1.3.багшлах болон эрдэм шинжилгээний ажил.

• 42.1.4.төрийн бус байгууллагын сонгуульт албан тушаал

Мөн УИХ-ын тухай хуулийн 10 дугаар зүйлийн 10.1.2.хүндэтгэн үзэх шалтгаанаар чөлөөлөгдөх хүсэлтээ өөрөө гаргасныг Улсын Их Хурал хүлээн зөвшөөрсөн ... гэж заасан байдаг.

Иймээс УИХ-ын тухай хуулийн дээрх заалтуудын дагуу: УИХ-ын гишүүн Хотын даргын албан тушаалыг давхар хаших боломжгүй болж, гишүүний бүрэн эрхээсээ өөрөө түдгэлзэх өргөдлөө өгөх юм. Энэ дагуу Байнгын хороо, УИХ-ын нэгдсэн чуулганаар хэлэлцэж чөлөөлнө.

Энэ мэдээнд өгөх таны үнэлгээ

Хуваалцаарай Жиргээрэй