Суу билигт их зохиолч Д.Нацагдоржийн мэндэлсний 114 жилийн ой өнөөдөр тохиож байна.
Тэрбээр 1906 оны энэ өдөр хуучин Түшээт хан аймгийн Дархан чин вангийн хошуу, өнөөгийн Төв аймгийн Баяндэлгэр сумын нутаг Гүн Галуутай гэдэг газар ядуу тайж Дашдоржийн гэрт төрсөн юм.
Их зохиолч Д.Нацагдоржийн амьдрал, уран бүтээлийн замналын талаар “Найрагчийн мөрөөр” төслийн уран бүтээлчид баримтат кино бүтээж, үзэгчдийн хүртээл болгосон. Хавар: Алс газарт сурахаар одогсод, Намар: Алдагдсан цагийн эрэлд гэсэн нэртэй энэ хоёр кинонд 1926-1930 онд Баруун Европод суралцсан монгол залуусын болоод Д.Нацагдоржийн амьдралыг тусган харуулсан байсан юм.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.