Германы баруун бүсэд байдаг Ессен хотын эмч коронавирусийн халдвартай хоёр өвчтөнд өндөр тунтай эм тарьж, амь насыг нь хөнөөсөн хэргээр баривчлагдсан байна.
Тодруулбал, тухайн эмч 44 настай бөгөөд тус хотын их сургуулийн эмнэлэгт өнгөрсөн хоёрдугаар сараас эхлэн ажиллаж буй аж. Түүнийг ажлаас нь чөлөөлсөн бөгөөд өнгөрсөн лхагва гарагт (2020.11.18) баривчилсан байна.
Тэрбээр коронавирусийн халдвартай, эрчимт эмчилгээний тасагт эмчлүүлж байсан 45, 50 настай хоёр эрэгтэйн амь насанд хүрсэн гэж сэжиглэгдэж байгаа гэнэ. Түүний хувьд нэг өвчтөнийг хороосон хэмээн хэргээ хүлээж, ар гэрийнхнээс нь уучлал хүсжээ.
“The Bild Daily”-ээс мэдээлснээр эмч өндөр тунтай эм ашиглахаасаа өмнө ар гэрийнхнээс нь асуусан аж.
Эх сурвалж : The Guardian
Б. БУЯНДОРЖ
