ЭМЯ-наас мэдээлэл хийлээ. Энэ үеэр ХӨСҮТ-ийн Тандалт судалгааны албаны дарга А.Амбасэлмаа мэдээлэл өглөө.
Тэрбээр "2020 оны 12-р сарын 06-нд вирус судлалын лабораториудад нийтдээ 23341 хүнд PСR шинжилгээ хийхэд 38 тохиолдол илэрлээ. Улаанбаатар хотод нийт 32 тохиолдол илэрлээ. Гурав нь Цэргийн төв эмнэлэгт, бусад 29 хүн ойрын хавьтлаар тусгаарлагдсан хүмүүс, гэр бүлийн хүмүүсээс илэрлээ. Улаанбаатар хотод нийт 128 тохиолдол боллоо.
Сэлэнгэ аймагт хоёр тохиолдол бүртгэгдэж 203 боллоо. Дорноговь аймгийн замын-Үүд суманд гурван тохиолдол бүртгэгдлээ. Гэр бүлийн хүмүүс байна. Нийт 31 тохиолдол боллоо.
Орхон аймагт нэг тохиолдол бүртгэгдлээ. Дархан-Уул, Говьсүмбэр, Архангай аймагт нэмж бүртгэгдээгүй.
Улсын хэмжээнд 439, нийт батлагдсан 887 боллоо” гэв.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.