Улаанбаатар-Дархан чиглэлийн авто замыг 4 эгнээ болгох ажлын хоёрдугаар шатны ажил буюу Европын сэргээн босголт хөгжлийн банкны зээлийн хөрөнгөөр баригдах 202.42 км авто замын барилгын ажил ирэх 3 дугаар сарын 15-наас эхэлнэ.
Тиймээс өнөөдөр /2021.01.11/ Зам тээвэр, хөгжлийн сайд Л.Халтар холбогдох аймгийн удирдлагуудтай цахимаар холбогдон дараах үүрэг чиглэл өглөө. Дархан-Уул аймгийн тухайд замын ажилтай холбогдуулан 10 газрыг чөлөөлөхөөс 5 газрыг чөлөөлөөд байгаа юм.
Цаашид Хонгор сумын цэцэрлэгт хүрээлэнгийн блокон хашаа, Дархан хаалга, Зам дагуух мод, “ДДЦС” ТӨХК-ийн тунгаасан усны шугам хоолой, Магнай, Шунхлай түгээх станцыг нүүлгэн шилжүүлэх ажлыг ирэх сарын 20-ны дотор хийх үүрэг чиглэл авлаа. Газар чөлөөлөлтийг хийснээр Улаанбаатар Дархан чиглэлийн авто замын хоёрдугаар шатны ажил эхлэх боломж бүрдэх юм.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.