Чингэлтэй дүүргийн Эрүүл мэндийн төвд коронавирусийн нэг тохиолдол батлагджээ. Тодруулбал, тус дүүргийн 13 дугаар хорооны оршин суугч 66 настай иргэн Г биеийн байдал хүнд оноштойгоор өчигдөр Нийслэлийн түргэн тусламжийн төвийн автомашинаар Чингэлтэй дүүргийн Эрүүл мэндийн төвд ирсэн байна. Тухайн иргэнд түргэн тусламжийн төвийн эмч болон дүүргийн Эрүүл мэндийн төвийн эмч нар түргэвчилсэн оношлуураар 2 удаа шинжилгээ хийхэд хариу сөрөг гарсан ч оношийг баталгаажуулах үүднээс PCR шинжилгээ авчээ. Улмаар өвчтөнийг тусгаарлан ажиглах байранд шилжүүлж, халдвар хамгааллын дэглэмийг баримтлан эрүүл мэндийн тусламж үйлчилгээг үзүүлж байсан аж. Харин өнөөдөр уг өвчтөний PCR шинжилгээний хариу эерэг гарчээ. Түүнийг одоо ХӨСҮТ рүү шилжүүлж байгаа аж. Мөн эрүүл мэндийн тусламж үйлчилгээ үзүүлж байсан эмч, мэргэжилтнүүдийг тусгаарлан, шинжилгээ авч, ажиглалтад хамруулж байгаа бөгөөд тус эмнэлгийн ойр орчимд хөдөлгөөний хязгаарлалт хийгдээгүй ажээ.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.