УИХ-ын гишүүн Ч.Ундрамыг сайд болохоор яригдаж байгаа талаар мэдээллүүд хөвөрч буй. Тэгвэл гишүүн маань ихэд эгдүүцсэн бололтой мэдэгдэл гаргажээ.
Тэрбээр "Их сургуулийн багшийн ширээнээс УИХ-д сонгогдож боловсролын салбарынхаа дуу хоолой болохоос гадна олон шинэчлэлд УИХ дахь баг хамт олноороо ханцуй шамлан ажиллаж байна. Монгол Улсын Ерөнхий сайд У.Хүрэлсүх улс төрийн ёс зүй гарган баг хамт олноороо хариуцлага хүлээж огцорсон, энэ шийдвэрийг хүндэтгэн хүлээн авсан. Дараах Ерөнхий сайдад шинэ үеийн төлөөлөл, Засгийн газрын хэрэг эрхлэх газарт хоёр засаг дамжин ажилласан боловсрол, туршлагатай Л.Оюун-Эрдэнэ нэр дэвшиж байгаа нь сайшаалтай.
Үндсэн хуулийн бүрэн эрхийнхээ дагуу Ерөнхий сайд кабинетээ өөрөө бүрдүүлэх бөгөөд энэ талаар миний зүгээс төлөвлөсөн, хөөцөлдсөн зүйл үгүй. Надад итгэж хүлээн зөвшөөрдөг салбарынхандаа, дэмждэг сонгогчдодоо, залуучууд, ах, эгч, найз нартаа баярлалаа. Миний бие УИХ-ын гишүүний хувиар төлөвлөсөн ажлаа хичээнгүйлэн хийгээд явж байна. Боловсролын багц хуулийг хэлэлцэхэд салбараа төлөөлөн идэвхитэй ажиллах болно” хэмээжээ.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
За чи больж үзээ чамайг хэн Сайд болгох вэ дээ өөрийнхөө нэр хүндийг өсгөх арга, гишүүний ажлаа л олигтой хийвэл барав.
Зссс. Энэ авгай УИХ-ын гишүүний ажил өөрт нь томдоод байгааг мэддэггүй юм байх даа.
Сэлэнгийн төлөө хаана, юу хийгээд яваад байгаан?
мөнгө авч дүн за�####�г авгай да
мөнгө аваад дүн өөрчилдөг этгээд
Ухаантай, Царайлаг, Мөнгөтэй, Удам сайтай юм юм бүрэлдсэн мундаг бүсгүй дээ!