АН-ын бүлгийн “шантааж”
Өнөөдөр Чуулганы хуралдаанаар Монгол Улсын 32 дахь Ерөнхий сайдыг томилох гэж байна. Бүтэн өдөржин хуралдсан хуралдааны төгсгөлд АН-ын бүлгийн дарга Д.Ганбат тав хоногийн завсарлага авч, "Бүлэг дээрээ Л.Оюун-Эрдэнийг урьж, захиас хэлнэ” гэх нь тэр. Харин УИХ-ын дарга Г.Занданшатар цар тахлын энэ хүнд цаг үед Засгийн газрыг яаралтай томилох ёстой учраас нэг цагийн завсарлага өглөө.
АН-ынханд тав хоногийн, нэг цагийн завсарлагын хооронд ямар ч ялгаа байхгүй. Бүлгийн хүрээнд байдаг завсарлага авах эрх мэдлээ ашиглаж, МАН, эрх баригч нам, төрийн ажлыг тав хоног болов ч гацаая гэсэн л шантаажны арга ядсан арга мэт санагдлаа.
Үнэхээр АН энэ парламентад хүчгүйдэж, олонх болсон МАН-ын эсрэг яаж ч сөргөлдөж, сөрөг хүчин болж ажиллаж чадахгүй нь харагдаж байна. Чуулганы хуралдаан, Улсын Ерөнхий сайд томилох гэж байгаа чухал цаг үед бодлогын, мэргэжлийн, жинтэйхэн, авууштай үг хэлж, Л.Оюун-Эрдэнийг толгой дохиулах үгсийг АН-ын бүлгийн гишүүд хэлсэнгүй.
Харин түүний оронд “80-аад оныхон Ерөнхий сайд болчихлоо, бусад 80-аад оныхон миа байна”, “Херо Б.Баатарын дүү Ерөнхий сайд болчихлоо”, “400 сая жуулчнаа оруулж ирээрэй” гэх мэтчилэн атаархаад байгаа ч юм шиг, даапаалаад байгаа ч юм шиг зүйлс хэлсэн нь тус намын бүлгийн төлөвшлийг ч харуулах шиг болов.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
АН ийг тараах цаг нь болжээ
Гуйх нохойд гуйхгуй нохой садаа АН цаг уеэ мэдэрхээ байжээ 5 хоног гэж юугаа хуцнам эргуу гарууд