Сургуулийн шахалтаар үсээ будсан эмэгтэй шүүхдэн ялжээ
Япон улсад сургуулийн багш нарынхаа шахалтаар үсээ хараар будсан эмэгтэй шүүхдэн нөхөн төлбөр авах болжээ. Тэрбээр үүний улмаас сургуулиасаа гарсан байна. Түүний үсний өнгийг бор биш гэж бодсон тул сургуулийн зүгээс хар өнгөөр буд хэмээн хэлсэн гэнэ.
Гэтэл түүний үсийг хангалттай хэмжээнд хар өнгөтэй болоогүй байна гэсэн шалтгаанаар зарим хичээл болон сургуулийн аялалд оролцохоос хориглосон аж.
Тэгвэл шүүх газраас сургуулийн үйлдсэн хэргийг хууль ёсны хэмээн зарласан боловч 330 мянган иений нөхөн төлбөр олгох ёстой хэмээн шийджээ. Шүүх газар тус сургуульд суралцдаг байсан 21 настай эмэгтэйг үсээ будахыг шаардаж сэтгэл зүйн дарамт учруулсан хэмээн үзсэн аж.
Японы сургуулиуд сурагчдыг үсээ будах, цайруулах, буржийлгахыг хориглодог гэнэ. Шүүх хурлын үеэр сургуулийн өмгөөлөгч хэлэхдээ дэд захирал түүний үсний угийг шалган бор бус хар өнгөтэй гэж бодсон хэмээсэн юм. Иймд сургуулийн зүгээс үс будахгүй байх дүрмийг сахихын тулд тус сурагчид үсээ будахыг хэлсэн гэнэ.
Эх сурвалж: BBC
Б.БУЯНДОРЖ
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Torolxiin xuren ongiig ni yaaltai bilee dee