НИЙГЭМ

ТООЦООЛОЛ: Сурагчдын хичээлийн хоцрогдлыг арилгахад гурван жил шаардлагатай

БШУЯ-ны удирдлагын баг УИХ-ын эмэгтэй гишүүдтэй өглөөний уулзалт зохион байгууллаа. Уулзалтад БХБЯ, БОАЖЯ-ны сайд болон төлөөлөл оролцсон юм.

Уулзалтын үеэр хоцрогдол нөхөх цогц төлөвлөгөө болон, сургууль цэцэрлэг, дотуур байрны ариун цэврийн байгууламжийг хэрхэн сайжруулах талаар санал солилцов.

Энэ хичээлийн жилд нийт хичээл сургалтын үйл ажиллагааны 45 хувийг зайнаас буюу теле, цахим хэлбэрээр олгожээ.

Оршин суугаа байршил, цахим төхөөрөмжийн хангалт, амьжиргааны түвшин, эрчим хүчний хангалт зэргээс хамаараад теле болон цахим сургалтад хамрагдаж чадахгүй байгаа 174 мянган хүүхэд байна.

Танхимын сургалт доголдсон нөхцөл байдал дэлхийн бусад улс орнуудад ч мөн үүссэн. Бусад орнууд энэ байдлаа хэрхэн шийдвэрлэж байгаа арга туршлагыг судалж, өөрийн оронд нутагшуулах боломжтой хувилбаруудаас сонголт хийгээд байна.

АНУ-ын 3 tires, Англи улсын 3R загварчлал хамгийн үр дүнтэй гэж тооцов. Хоцрогдол нөхөхөд гурав орчим жил шаардлагатай гэсэн тооцоолол гаргалаа. Ингэхдээ ерөнхий, нэмэлт, тусгай гэсэн гурван төрлийн дэмжлэгийг сурагчдад үзүүлэхээр төлөвлөж байна.

Орон нутгийн сургуулиудын 43%, нийслэлийн 7 сургууль гаднаа нүхэн жорлон ашигладаг

Засгийн газрын 2020-2024 оны үйл ажиллагааны хөтөлбөрт жил бүр 100-аас доошгүй нүхэн жорлонгийн асуудлыг шийдвэрлэнэ гэж тусгаж БШУЯ-нд энэ ажлын хариуцуулсан.

Засгийн газрын хуралдаанд асуудал оруулсны дагуу ариун цэврийн байгууламжийг шинэчлэх асуудалд БХБЯ, БОАЖЯ-ны оролцоог хангахаар болсон юм. Хөрс, ус, орчны судалгааг хийх, зөв технологийг сонгох зэрэгт салбар дундын хамтын ажиллагаа чухал байгаа.Улсын хэмжээнд сургууль, цэцэрлэг, дотуур байр нийлээд 819 газарт нүхэн жорлон ашиглаж байна. Орон нутгийн сургуулиудын 43 хувь, дотуур байрны 49 хувь, цэцэрлэгийн 23 хувь нь гаднаа нүхэн жорлонтой байна. Нийслэлд 7 сургууль цэцэрлэг байна.

Ариун цэврийн байгууламжийг шинэчлэхдээ сургууль цэцэрлэг дотуур байрны хүүхдийн багтаамжтай уялдуулна. Мөн аль бүс нутагт байхаас хамаараад өөр өөр технологи сонгох шаардлагатай болж байгаа юм.

Эх сурвалж: БШУЯ

Энэ мэдээнд таны өгөх үнэлгээ
Like
Love
Haha
Wow
Sad
Angry
Таг

Холбоотой мэдээ

Нэг сэтгэгдэл

  1. Хоцрогдлыг арилга арга.. 1. МАТЕМАТИК. ХИМИ ФИЗИК . ENGLISH ..суурь чиглэлийн хичээлүүдийн цагийг 50% – нэмэгдүүлэх. 2. Түүх уранзохиол монгол хэл биеийн тамир дуу зураг технологи гэсэн туслах хичээлээ 50% болгож хас. 3. Хэрэв сурагч хүсвэл ирээдүйд мэргэжил эзэмших чиглэлийн хичээлээ нэмэлт сонгоноор сур####цах.

Хариулт үлдээх

АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Back to top button