СПОРТ

Д.Батгэрэл: Одоо Шон О’Мэйлли, Жозе Алдотой тулалдахыг хүсэж байна

Холимог тулааны UFC холбоонд өрсөлдөж буй Монголын анхны төдийгүй цорын ганц тулаанч Данаагийн Батгэрэлийн ээлжит тулаанаа өнөөдөр АНУ-ын тамирчин Кевин Нативидадтай хийн, 50-хан секундэд хүнд цохилтоор ялсан.

UFC-ийн дэвжээнд гурав дахь тулаанаа хийн, хоёр дахиа ялсан тэрбээр тоглолтын дараа хэвлэлийн хурлын үеэр юу ярьсныг сонирхуулъя.

Баяр хүргэе. Өрсөлдөгчөө богино хугацаанд яллаа.

-Баярлалаа. Маш их баяртай байна.

Дахиад гарын шулуун цохилтоор дахиад яллаа. Энэ чиний дуртай цохилт уу?

-Тийм ээ, миний дуртай цохилт. Би өмнө нь ингэж цохиод ялж байсан.

Яг ингэж цохъя гэж өмнө нь бэлдсэн байсан уу?

-Тухайн үеийн мэдрэмжээрээ хийсэн. Ер нь бэлтгэл дээр бэлдэж байсан.

Брэндон Гипсон чамтай тулалдах байсан ч цар тахлын улмаас цуцлагдсан. Сая дэвжээнд гарахдаа энэ талаар бодсон уу?

-Бодоогүй. Дасгалжуулагч Грэг Жэксон мөн ирэх байсан ч онгоц нь саатаад чадаагүй. Бэлтгэлээ бүрэн хангасан байсан болохоор ялна гэдэгтээ итгэлтэй байлаа.

Үзэгчтэй тэмцээнд өрсөлдөх ямар байв?

-Үзэгчтэй тэмцээнд оролцох их сайхан байна. Үзэгчдээс их эрч хүч авлаа.

-Одоо хэзээ, хэнтэй тулалдахыг хүсэж байна вэ?

-Ойрын хугацаанд тулалдмаар байна. Жозе Алдо, Шон О’Мэйлли  нарын жингийнхээ шилдгүүдтэй тулалдахыг хүсэж байна.

-Яагаад тэднийг онцлов?

-Жозе Алдо өмнө нь аварга байсан, шилдэг тулаанч. Түүний тулааныг үзэж, үлгэрлэж өссөн. Тиймээс онцоллоо.

-Холимог тулааны тамирчин болсныхоо юунд илүү сэтгэл ханамжтай байдаг вэ?

-MMA бүх тулааныг нэгтгэсэн. Нөгөө талаар UFC дэвжээнд өрсөлдөж буй Монголын анхны тулаанч гэдэгтээ сэтгэл хангалуун явдаг.

Энэ мэдээнд таны өгөх үнэлгээ
Like
Love
Haha
Wow
Sad
Angry
Таг

Холбоотой мэдээ

Нэг сэтгэгдэл

Хариулт үлдээх

АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Back to top button