НИЙГЭМХОВЧ ШАР

Наро Банчэн гэгээнтэн яагаад эхнэр авч болсноо тайлбарлав

Б.Цэдэн-Иш буюу VII дүрийн Наро Банчэн гэгээнтэн өчигдрийн /2021.04.27/ “Мэдээллийн урсгал” нэвтрүүлэгт оролцох үеэрээ цар тахлын нөхцөл байдалтай холбогдуулан олон нийтэд бурхны номонд үндэслэн сургааль айлдсан.

Энэ үеэр сэтгүүлчид хутагт, хувилгаадууд эхнэр авч болдог эсэхийг тодруулж асуув. Өмнө нь Наро Банчэн Гэгээнтнийг эхнэр авсан тухай мэдээлэл цахим орчинд түгсэн юм.

Харин VII дүрийн Наро Банчэн гэгээнтэн, “Энэ нь сахилаас хамаардаг. Гэнэн сахил гэвэл хар хүмүүс ч сахиж болдог сахил. Ер нь сахил гэдэг ёс суртахууны хэм хэмжээ, буруу сэтгэлийг хорих арга зам гэсэн үг. Харин гэцэл, гэлэн гээд ирвэл эхнэр авч болдоггүй. Миний хувьд тэр том сахилыг аваагүй. Энгийн хар хүмүүсийн сахиж болдог гэнэн гэж сахилыг авсан байгаа” гэж хариуллаа.

-Та дараагийн сахилуудыг авах уу?

-Сахилаа алдаагүй тохиолдолд дараагийн сахилыг авах бололцоотой.

-Тэгэхээр гэр бүлээ яана гэсэн үг вэ?

-Ер нь нэг нийгмийн буруу хандлага байна. Хүний биеийн хэргийг гаргавал юу л бол юу бүтээнэ гэж бурхны номонд айлддаг. Гэтэл энэ эрдэнэт хүний биеийг хамаг хэрэггүй мэдээлэл рүү оруулж, цаг хугацааг үр бүтээлгүй өнгөрүүлээд эргээд өөртөө асуудал үүсгэх бололцоо байна.

-Та бол VI Наро Банчэний хойд дүр. Өндөр сахил нь дагаад энэ төрөлдөө ирэхгүй юү?

-Энэ биедээ үлддэг сахил, дараа төрөлдөө дамждаг сахил гэж бий. Надад бусдад хийсэн хорлолтой үйлдэл байхгүй байгаа. Үргэлж амьтны төлөө бясалгаж, сайн үйл хийж явна.

Г.САНСАРМАА

Энэ мэдээнд таны өгөх үнэлгээ
Like
Love
Haha
Wow
Sad
Angry

Холбоотой мэдээ

14 Сэтгэгдэл

  1. Гэгээнтэн хүн яагаад эхнэр авч болохгүй гэж хоёр эрэгтэй хоорондоо үеэрхэж болж байхад хайр бол хайр

  2. Орчин үеийн чиг хандлага өөрчлөгдөх ёстой, лам хүн гээд эхнэр авахгүй ёс өөрчлөгдөх ёстой. энэ бол гэгээнтэн хүн. Хүмүүс нэгнээ хайрлах хэрэгтэй. Ноён хутагт Данзанравжаа хутагт минь хүртэл гэргиытэй байсан. Энэ бол хүний ёс. Нэгнээ хайрла! Энэ гэгээнтэн бол маш ухаантай өвөрмөц хүн. Би энэ хүнийг маш их шүтдэг!

  3. Mongolchuud min ta nariin amidrald lam hereggui tul ene metiin lam nertei humuus yaah n bidend padgui. Utsan chinee ulaan amia tejeeh gd bayan aild hurgen oroo l biz. Ajilgui shimegch hun tejeeh ail oldoo l biz. Bid uursdiin aj amidralaa bodohod busad n ok.

Хариулт үлдээх

АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Back to top button