НИЙГЭМ

ХААИС-ийн оюутнууд Флоридагийн их сургуульд суралцах боломжтой боллоо

Боловсрол, шинжлэх ухааны сайд Л.Энх-Амгалан өчигдөр Флоридагийн их сургуультай санамж бичиг байгуулж, тус их сургуулийн судалгааны декан Роб Гилберт нар гарын үсэг зурлаа.

Санамж бичгийг байгуулснаар Монгол Улсын Хөдөө, аж ахуйн их сургууль, Америкийн Нэгдсэн Улсын Флоридагийн их сургуультай хамтран 2+2 хөтөлбөрийг хэрэгжүүлэх боломжийг бүрдүүлж байна.

Америкийн Нэгдсэн Улсын Флоридагийн их сургууль нь АНУ-ын мэдээлэл болон Дэлхийн тайлан /US News & World Report (USN & WR)/-д АНУ-ын зургаа дахь шилдэг улсын их сургууль гэж нэрлэгдэж, улсын болон хувийн хэвшлийн бүх их дээд сургуулиудын дунд 30-р байранд орж байна.

Түүнчлэн тус их сургуулийн багш, төгсөгчдийн дунд нобелийн шагналтан хоёр, олон тооны Пулитцерийн шагналтан байдаг.

Өмнөх хамтын ажиллагааны тухайд гэвэл АНУ-ын Жорж Мейсоны их сургуультай ШУТИС хамтран ажиллахаар болж 2+2 хөтөлбөр хэрэгжүүлэхээр болсон. Жорж Мейсоны их сургуульд суралцах оюутнууд 5 мянган долларын хөнгөлөлт эдлэхийн зэрэгцээ суралцаж эхэлсэн хоёр дахь улирлаас 12 хүртэлх мянган долларын хөнгөлөлт эдлэх боломжтой.

Харин хоёр дахь хамтын ажиллагаа Канзас хотын Миссуригийн их сургуультай эхэлсэн бөгөөд ЕБС төгссөн сурагчид хэлний шалгалтаа амжилттай өгч чадвал 8,500 долларын хөнгөлөлт эдлэх боломж бүрдсэн юм.

Ийнхүү Засгийн газрын 100 хоногийн хугацаанд Боловсрол, шинжлэх ухааны яам АНУ-ын гуравн их сургуульд монгол оюутнуудыг хямд зардлаар сургах боломжийг нээв.

Санаж бичиг байгуулах арга хэмжээнд АНУ-ын Конгрессийн гишүүн Камик, гишүүн асан Тед Ёохо, АНУ-д суугаа элчин сайд Ё.Отгонбаяр нар оролцлоо.

Эх сурвалж: Боловсрол, шинжлэх ухааны яам

Энэ мэдээнд өгөх таны үнэлгээ
Like
Love
Haha
Wow
Sad
Angry

АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

guest
0 Сэтгэгдэл
Inline Feedbacks
View all comments

Холбоотой мэдээ

Back to top button