Билл Гейтс нэмж 850 сая долларын хувьцаа Мелинда Гейтс рүү шилжүүлжээ
Билл Гейтс “Deere & Co” компанийн 850 сая ам.доллар хүрэх хувьцааг Мелинда Гейтс рүү шилжүүлсэн байна. Нийтдээ 2.25 сая хувьцааг шилжүүлсэн нь “Deere & Co” компанийн өнгөрсөн баасан гарагт (2021.05.14) гаргасан мэдүүлэгт ил болжээ. Билл Гейтсийн шилжүүлсэн хэмжээ түүний эзэмшдэг “Deere & Co” компанийн хувьцааны долоон хувь байсан аж.
Дэлхийн хамгийн чинээлэг хосууд болох Билл, Мелинда Гейтс нар энэ сарын 3-ны өдөр гэр бүл цуцлуулж байгаагаа мэдэгдсэн. Тус өдрөөс хойш Билл “AutoNation”, “Canadian National Railway”, “Deer & Co” гэх мэт компанийн 3 тэрбум ам.доллар хүрэх хувьцааг Мелинда руу шилжүүлсэн байна.
“Bloomberg” агентлагт мэдээлснээр одоогийн байдлаар Билл Гейтсийн хөрөнгө 144 тэрбум ам.доллар байгаа аж. Тэрбээр “Bloomberg”-ийн тэрбумтнуудын жагсаалтын дөрөвт бичигдэж байна.
Эх сурвалж: Daily Mail
Б.БУЯНДОРЖ
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Good write-up, I’m norm#l visitor of one’s site, maintain up the excellent operate, and It is going to be a regular visitor for a lengthy time.