НИЙГЭМ

Сурагчийн дүрэмт хувцасны стандартыг хэлэлцүүлнэ

Сурагчийн дүрэмт хувцасны стандартын төсөл танилцуулах, санал авах, нээлттэй хэлэлцүүлэг энэ сарын 16-нд ХХААХҮЯ-нд болох гэж байна.

Сурагчийн дүрэмт хувцасны стандартын төсөл нь хэрэглэгч болон үйлдвэрлэгч хоёр талд хамааралтай тул хэлэлцүүлэгт эцэг эхчүүд, хэрэглэгчид, үйлдвэрлэгчдийг идэвхтэй оролцохыг уриалжээ.

Түүнчлэнм Монгол хүүхдийн биеийн хэмжээг тодорхойлох судалгааг хийснийг ХХААХҮЯ-нд болсон семинараар танилцуулжээ. Судалгаагаар эрэгтэй сурагчдын биеийн өндрөөс хамаарч 15 ангилал, эмэгтэй сурагчдын 12 ангилал үүсгэн биеийн дундаж хэлбэрийг тогтоожээ. Үүгээр хөвгүүдийн хамгийн өндөр нь 190-197 см, охидын хамгийн өндөр нь 170-176 см байна.

ҮСХ-ны мэдээгээр манай улсын хүн амын 22 хувийг 6-18 насны 710 мянган хүүхэд эзэлж байна. Дэлхийн улс орнууд 5-15 жил тутамд хүн амын хэмжилзүйн судалгаа явуулж биеийн хэмжээний ангилал, стандартаа шинэчилдэг байна. Манай улс 1985 онд хүүхдийн биеийн хэмжээний судалгаа явуулж “Хөвгүүд, охидын биеийн хэв шинжит галбир, ангилал хэмжээ” MNS 4253-1995 стандартыг 1995 онд боловсруулжээ.

Нийгэм, цаг үе, технологийн хөгжил дэвшил, амьдралын хэв маяг өөрчлөгдөхийн хэрээр хүүхдийн биеийн өсөлт, хэлбэр, хэмжээ ч өөрчлөгдөж 25 жилийн өмнө тогтоосон стандарт нь өнөөгийн хүүхдийн биеийн хэмжээг бүрэн илэрхийлж чадахгүй болсныг семинарын үеэр мэргэжилтнүүд хэллээ.

С.ХОНГОРЗУЛ

Энэ мэдээнд таны өгөх үнэлгээ
Like
Love
Haha
Wow
Sad
Angry
Таг

Холбоотой мэдээ

22 Сэтгэгдэл

  1. Знаете ли вы?
    Молнию можно не только увидеть, но и съесть.
    Владелец вернул похищенную картину Пикассо почтой, не найдя покупателей.
    Герои украинского сери####а о школьниках с тру

Хариулт үлдээх

АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Back to top button