Белорусийн тамирчны “Шившигтэй төгсгөл”

“Белтелерадио” медиа компанийн тэргүүн Иван Эйсмонт Белорусийн гүйлтийн тамирчин Кристина Тимановскаятай холбоотой дуулианы талаар ярьсан байна. Тэрбээр тамирчны энэ үйлдлийг “адгийн хэрэг” хэмээн нэрлэсэн байна. Тэрбээр тамирчныг Олимпод оролцоход бэлтгэлгүй байсан, тэр зөвхөн “хэл амны бай” болохдоо л бэлдсэн хэмээн шүүмжилсэн байна.

Ерөнхийдөө тамирчин Тимановская бол сайн тоглолт үзүүлэхийн тулд биш, харин тэр хямдхан хуурмаг байдлынхаа төлөө Японд ирсэн бололтой. Үүнийг улс төртэй уях гэж оролдож байгаа нь  өөрийнхөө карьерыг унагасан нь үнэхээр “шившигтэй төгсгөл” боллоо хэмээн Эйсмонт онцолсон байна.

Тимановскаятай холбоотой дуулиан бол Беларусийн спортын албан тушаалтнууд руу чиглэсэн шүүмжлэлийн дараагаар ийнхүү дэгдлээ. Тамирчинг өөрөөс нь асуулгүйгээр багийн тэмцээнд оруулсан учир дасгалжуулагч нартаа дургүйцлээ илэрхийлсэн байгаа юм. Шүүгч дасаглжуулагчдын үгийг сонсоогүй гэх үндэслэлээр түүнд хариуцлага тооцож, нутаг буцаах болсон.

Белорусийн тамирчин “Токио-2020” Олимпод эмэгтэйчүүдийн 100, 200 метрийн төрөлд уралдахаар ирсэн. Өөрөөр хэлбэл, ганцаарчилсан төрөөр оролцох байсан ч 4х400 метрийн буухиа /багийн/ тэмцээнд оролцох хангалттай тамирчин байхгүй байсан тул Тимановскаяг түүнд өөрт нь мэдэгдэлгүйгээр багийн бүрэлдэхүүнд нэмсэн нь тамирчинд таалагдаагүй аж. Тиймээс дасгалжуулагч нартайгаа маргалдсан юм байна.

Ингээд Кристина Тимановскаяг хугацаанаас нь өмнө эх оронд нь буцаахаар шийдсэн боловч нисэх онгоцны буудал дээр тэрбээр  Японы цагдаагаас тусламж хүссэн юм. Учир нь, тэрбээр нутаг буцах хүсэлгүй байгаа аж.

Өмнө нь, тамирчин Кристина Тимановская Германаас орогнол хүсч магадгүй гэсэн мэдээлэл цацагдаж байсан. Тамирчин дасгалжуулагчдын шийдвэрийг эсэргүүцэж Токиогийн Олимпоос эх оронд нь буцаах шийдвэрээс татгалзсан. Бусад хэвлэл мэдээллийн хэрэгслүүдээр Тимановскаяг Австри улсаас орогнол хүсэх хүсэлтэй байгаа талаар мэдээлж байсан. Тамирчин дараагийн  төлөвлөгөөнийхөө талаар аюулгүй газарт очсон хойноо ​​өмгөөлөгчөөрөө дамжуулан мэдэгдэл хийнэ хэмээн амласан аж.

Тимановская нь “Ханэда” нисэх онгоцны буудлын нутаг дэвсгэрээс гараагүй талаар хэвлэл мэдээллийнхэн олж мэдээлэв. Японы Дүрвэгсдийн Эрх Ашгийг Хамгаалах Хуульчдын Холбооны төлөөлөгч Күраки Томоко Беларусийн тамирчинд туслахаар ажиллаж эхэлсэн гэсэн мэдээлэл ч байгаа юм. Беларусийн эрх баригчид Кристина Тимановскаяг Минск рүү албадан гаргахаар нисэх онгоцны буудал руу хүчээр авч явсан гэх бөгөөд одоогоор  тамирчин Японы цагдаагийн хамгаалалтад байгаа юм байна.

(Эх сурвалж: news.ru)

Энэ мэдээнд өгөх таны үнэлгээ

Хуваалцаарай Жиргээрэй