Оросын дугуйчин Михаил Астошов булчин тогтолцооны эмгэгтэй тамирчдын дунд зохион байгуулагдсан 3000 метрийн гүйлтийн сүүлчийн тэмцээнд түрүүлж, “Токио-2020” Паралимпын наадмаас алтан медаль хүртлээ.
Михаил Астошовт шагнал гардуулах ёслолын үеэр “Токио-2020” Паралимпын наадмыг зохион байгуулагчид ёслолын үеэр эгшиглэх хөгжмийн аязыг андуурсан тохиолдол гаргасан байна.
Дэлхийн допингийн эсрэг агентлагаас хориг арга хэмжээ авсны дараа ОХУ-ын тамирчид ялалт байгуулсан тохиолдолд оросын Төрийн дууллын оронд П.И.Чайковскийн концертын хэсгийг эгшиглүүлэхээр тогтсон. Зохион байгуулагчид алдаа гаргаж, аялгууг хольж, Олон Улсын Паралимпын Хорооны дууллыг эгшиглүүлсэн байна.
Оросын Паралимпын Хорооны тэргүүн Екатерина Мухортова хэлэхдээ, “Энэ бол Паралимпын дугуйн төрлөөр авсан анхны алтан медаль. Гэтэл, ийм алдаа гарлаа” гэж зохион байгуулагчдыг буруутгав.
Одоогийн байдлаар ОХУ нийт дөрвөн алт, хоёр мөнгө, гурван хүрэл гээд нийт есөн медальтай байна. “Токио-2020” Паралимпын наадмаас медалийн нийлбэр дүнгээр дөрөвдүгээр байранд бичигдэж байна.
Паралимпын наадам есдүгээр сарын 5 хүртэл үргэлжилнэ.
(Эх сурвалж: sportsdaily)
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
УЛААН ОРОСУУД СҮРЖИГНЭЖ ӨГӨХ БАЙХДАА