АНУ-ын Лос Анжелес хотод “COVID-19”-ийн “B.1.621 Mю” гэх нэршил аваад байгаа коронавирусийн шинэ хувилбар илэрсэн байна.
Тус мужийн Эрүүл Мэндийн Хэлтсийн мэдээлснээр, халдварын 167 тохиолдол бүртгэгджээ.
“Вашингтон Пост” /Washington Post/-ын мэдээлснээр, “Мю” хувилбараар халдвар авсан нийт хоёр мянган тохиолдол АНУ-д аль хэдийн бүртгэгдсэн байна.
“Энэ хувилбарт зөвхөн моноклональ эсрэгбие төдийгүй вакцинаар өдөөгдсөн зарим эсрэгбиетэд ч тэсвэртэй мутацийн багц байгаа” хэмээн америкийн доктор Энтони Фауки хэлэв.
Түүний хэлснээр одоогоор эмнэлзүйн мэдээлэл хангалтгүй байгаа аж.
(Эх сурвалж: mignews)
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.