Санал тооллогын дараа бүс нутгийн бүх 46 тойрогт Христийн Ардчилсан Холбоо болон Христийн Нийгмийн Холбоо Намын Консерватив Эвсэл нийт саналын дөнгөж 31,7 хувийг л авсан талаар германы СЕХ-ноос мэдээлжээ.
Урьдчилсан мэдээллээр, Баварийн Ерөнхий сайд Маркус Зёдер тэргүүтэй Христийн Нийгмийн Холбоо Нам нь 1949 оноос хойшхи Бундестагийн сонгуульд хамгийн муу үр дүнг үзүүллээ. Үүнийг өнөөдөр даваа гараг /2021.09.27/-т СЕХ-ноос нийтэлсэн тоо баримтаар нотолжээ.
Баварийн бүх 46 тойрогт санал тооллогын дараа Христийн Нийгмийн Холбоо Нам нь ердөө 31,7 хувийн санал авсан бөгөөд Баварийн консерваторууд 38,8 хувийн санал авсан нь 2017 оны холбооны сонгуультай харьцуулахад 7 орчим хувиар буурсан аж.
ХБНГУ-ын Социал-Демократ Нам эсрэгээрээ өмнөх үр дүнгээ бага зэрэг сайжруулсан буюу сонгогчдын 18 хувь нь санал өгч /2017 онд 15,3 хувь/ өгчээ. Гуравдугаарт, Германы Ногоон Нам 14,1 хувийн санал авсан бөгөөд дөрвөн жилийн өмнө 9,8 хувийн санал авч байжээ.
Ням гараг /2021.09.26/-т Германд парламентын сонгууль болж өнгөрсөн. Германы “ARD”, “ZDF” телевизийн сувгуудаас нийтэлсэн урьдчилсан санал асуулгын дүнгээс үзэхэд, Социал-Демократ Нам тэргүүлж байгаа бол хоёрдугаарт одоогийн Канцлер Ангела Меркелийн нам оржээ.
(Эх сурвалж: Tass)
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.