Нийгмийн

ХХААХҮ-ийн сайд З.Мэндсайхан архангай аймагт ажиллалаа

Монгол Улсын Засгийн газрын гишүүн, Хүнс, хөдөө аж ахуй, хөнгөн үйлдвэрийн сайд З.Мэндсайхан, Жижиг, дунд үйлдвэрийн газрын дарга Я.Эрдэнэсайхан, Мал эмнэлгийн ерөнхий газрын дарга Б.Ганзориг нар Архангай аймагт ажиллалаа. Энэ үеэр аймгийн ХХААГ-ын дарга П.Гомбодорж аймгийн хөдөө аж ахуйн салбарын бодлого чиглэл, зорилт, 2021 онд хийж хэрэгжүүлсэн ажлынхаа талаар  танилцууллаа. Монгол Улсын Засгийн газрын гишүүн, Хүнс, хөдөө аж ахуй, хөнгөн үйлдвэрийн сайд З.Мэндсайхан Хүнс, хөдөө аж ахуй, хөнгөн үйлдвэрийн салбарын бодлого чиглэл, Засгийн газар, салбарын яамны бодлого, зорилтын талаар мэдээлэл өглөө. 

Орон нутгийнхантай уулзах үеэр салбартаа манлайлан ажиллаж буй зарим албан хаагчдыг шагналаа. Аймгийн Хүнс, хөдөө аж ахуйн газарт олон жил тогтвор суурьшил, үр бүтээлтэй ажиллаж байгаа Мал үржлийн албаны мэргэжилтэн Ц.Өлзий-Утасыг Монгол улсын Засгийн газрын шагнал “Хөдөө аж ахуйн тэргүүний ажилтан” хүндэт тэмдгээр, Жижиг, дунд үйлдвэрийн асуудал хариуцсан мэргэжилтэн Ц.Санжидмолом,  Архив, бичиг хэргийн ажил хариуцсан мэргэжилтэн Г.Мөнхзул, ажилтан А.Гэрэлмаа, Х.Түшээбумба нарыг ХХААХҮЯамны “Жуух бичиг”-ээр тус тус шагнав.

ХҮНС, ХӨДӨӨ АЖ АХУЙН ГАЗАР, МАЛ ЭМНЭЛГИЙН ГАЗАР, СУМДЫН МЭРГЭЖИЛТНҮҮДТЭЙ ЦАХИМ УУЛЗАЛТ ХИЙЛЭЭ 

ХХААХҮ-ийн сайд З.Мэндсайхан өчигдөр Хүнс, хөдөө аж ахуйн газар, Мал эмнэлгийн газар, сумдын Хөдөө аж ахуйн тасаг, Мал эмнэлгийн тасгийн мэргэжилтнүүдтэй цахим уулзалт хийлээ. Цахим уулзалтад Монгол Улсын Их Хурлын гишүүн Ё.Баатарбилэг, Ж.Мөнхбат, Г.Тэмүүлэн, Жижиг дунд үйлдвэрийн газрын дарга Я.Эрдэнэсайхан, Мал эмнэлгийн ерөнхий газрын дарга Б.Ганзориг нар оролцсон юм.  Уулзалтын үеэр Архангай аймгийн Хүнс, хөдөө аж ахуйн салбарт хийж хэрэгжүүлсэн ажил, томоохон хөрөнгө оруулалт, цаашид авч хэрэгжүүлэх ажил, арга хэмжээний талаар мэдээлэл өгч, мэргэжилтнүүдийн санал хүсэлтийг сонсов. 

“УЛАМ БАЯЖИХУЙ” ТАЛХ НАРИЙН БООВ, БЯЛУУНЫ ҮЙЛДВЭРИЙН ҮЙЛ АЖИЛЛАГААТАЙ ТАНИЛЦАВ

Хөтөлбөрийн дагуу Архангай аймгийн “Улам баяжихуй” талх нарийн боов, бялууны үйлдвэр, Амин чанар уургийн үйлдвэрийн үйл ажиллагаатай тус тус танилцлаа.

Энэ мэдээнд өгөх таны үнэлгээ
Like
Love
Haha
Wow
Sad
Angry
Таг

Холбоотой мэдээ

Хариулт үлдээх

АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Back to top button