НИЙГЭМХУУЛЬ

Угаарын хийгээс урьдчилан сэргийлэх нэг сарын аян хэрэгжүүлнэ

Таван толгой түлш ХХК өчигдрөөс эхлэн сайжруулсан шахмал түлшийг иргэдэд борлуулж эхэлсэн. Улмаар галлагааны улирал эхэлж байгаатай холбоотойгоор Нийслэлийн ИТХ-ын дарга Ж.Батбаясгалан аравдугаар сарын 1-нээс арваннэгдүгээр сарын 1-н хүртлэх нэг сарын хугацаанд “Угаарын хийгээс урьдчилан сэргийлье” аяныг санаачилж, таницлуулсныг Тэргүүлэгчид дэмжлээ.

Учир нь сайжруулсан шахмал түлшийг хэрэглээнд нэвтрүүлснээс хойших хоёр жилийн хугацаанд иргэд угаарын хийд хордсон тохиолдол хамгийн их тохиолдол дээрх хугацаанд байжээ. Тиймээс галлагааны стандарт алдагдсанаас үүдэж иргэд гэртээ угаартах, улмаар амь насаа алдах эрсдэлээс урьдчилан сэргийлэх үүднээс Нийслэлийн ЗДТГ, Захирагчийн ажлын алба, түүний харьяа газар хэлтсүүд, дүүрэг, хороод зэрэг нутгийн захиргааны бүх байгууллага, Таван толгой түлш ХХК, олон нийтийн байгууллага, хувийн хэвшил, иргэдтэй хамтран дээрх аяныг эрчимтэй өрнүүлнэ. Энэ хүрээнд айл өрхүүдэд яндан, пийшингээ хэрхэн хөөлөх, галлагааны стандартыг яаж баримтлах талаарх заавар зөвлөгөөг хүргэж, болзошгүй эрсдэлээс урьдчилан сэргийлэх ажлыг иргэдтэй хамтран зохион байгуулах юм. 

 

Хоол үйлдвэрлэл, үйлчилгээний чиглэлийн түрээсийн төлбөрийн орлогыг 100 хувь
тухайн сургуульд төвлөрүүлнэ 

”Ерөнхий боловсролын сургууль /ЕБС/-ийн хоол үйлдвэрлэл, үйлчилгээний тухай хууль”-ийн хэрэгжилтийг хангах ажлын хүрээнд холбогдох санал, дүгнэлт гаргах чиг үүрэг бүхий ажлын хэсгийн санал дүгнэлтийг Нийслэлийн ИТХ-ын Тэргүүлэгчдэд танилцууллаа. 
ЕБС-ийн хоол үйлдвэрлэл, үйлчилгээний чиглэлийн түрээсийн төлбөрийн орлогыг 100 хувь тухайн сургуульд төвлөрүүлж, хоол үйлдвэрлэл, үйлчилгээ явуулах зориулалтын байр, тохижилт, тоног төхөөрөмж худалдан авахад зарцуулах санал дүгнэлт гаргасныг Ажлын хэсгийн ахлагч, Нийслэлийн ИТХ-ын Тэргүүлэгч Н.Баярчимэг танилцуулав. Улмаар хуралдаанд оролцсон Тэргүүлэгчдийн олонх нь дэмжсэнээр уг тогтоолыг баталлаа. 

Нийслэлийн ИТХ-ын ХМОНХТ

Энэ мэдээнд өгөх таны үнэлгээ
Like
Love
Haha
Wow
Sad
Angry
Таг

Холбоотой мэдээ

Хариулт үлдээх

АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Back to top button